كەشە پرەمەر-مينيستر سەرىك احمەتوۆ استانادا قازاقستاننىڭ ۇلتتىق كاسىپكەرلەر پالاتاسى وكىلدەرىمەن كەزدەستى. كەلەلى كەڭەسكە قۇرىلعان جيىنعا ۇكىمەت باسشىسى ءوزى توراعالىق ەتتى. كەڭەستە ەلدەگى كاسىپكەرلىكتى دامىتۋ شارالارى ءسوز بولدى.
كەشە پرەمەر-مينيستر سەرىك احمەتوۆ استانادا قازاقستاننىڭ ۇلتتىق كاسىپكەرلەر پالاتاسى وكىلدەرىمەن كەزدەستى. كەلەلى كەڭەسكە قۇرىلعان جيىنعا ۇكىمەت باسشىسى ءوزى توراعالىق ەتتى. كەڭەستە ەلدەگى كاسىپكەرلىكتى دامىتۋ شارالارى ءسوز بولدى.
كەزدەسۋگە ۇكىمەت قۇرامى تولىق دەرلىك كەلدى. ونىمەن قاتار, پارلامەنت دەپۋتاتتارى مەن «سامۇرىق-قازىنا» ۇاق» اق-تىڭ باسشىلارى, سونداي-اق, بىرنەشە ۇلتتىق كومپانيالاردىڭ جەتەكشىلەرى قاتىستى. ال, ۇلتتىق كاسىپكەرلەر پالاتاسىنىڭ استاناداعى اپپاراتى مەن ايماقتاردان كەلگەن وكىلدەرى ۇستەل باسىنان ورىن الدى.
وتىرىستى اشقان پرەمەر-مينيستر مەملەكەت باسشىسى نۇرسۇلتان نازارباەۆ «قازاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى حالىققا جولداۋىندا ەلىمىزدە شاعىن جانە ورتا بيزنەستى دامىتۋعا ايرىقشا كوڭىل بولگەنىن ايتتى.
«سوندىقتان بۇگىنگى كەزدەسۋ كەزدەيسوق ءوتىپ وتىرعان جوق. ءبىز بۇگىن كاسىپكەرلىكتى دامىتۋعا كەدەرگى كەلتىرەتىن ماسەلەلەردىڭ ءبارىن اشىق تالقىلايمىز. ءسويتىپ, ولاردى شەشۋ جولدارىن دا قاراستىرۋعا ءتيىسپىز. وسىنى نەگىزگە الىپ, ارقايسىڭىز جۇمىستارىڭىزدا تۋىنداپ جاتقان پروبلەمالار جونىندە پىكىر بىلدىرۋلەرىڭىزگە بولادى», دەدى. ءسويتىپ, ۇلتتىق كاسىپكەرلەر پالاتاسى ەلدەگى بيزنەستى دامىتۋ جولىندا ۇكىمەتتىڭ ارىپتەسى ەكەندىگىن ەسكە سالدى.
پرەمەر-مينيستر العاشقى ءسوز كەزەگىن پالاتانىڭ باسقارما توراعاسى ا.مىرزاحمەتوۆكە بەردى. توراعا پرەزيدەنت جولداۋىندا شاعىن جانە ورتا بيزنەسكە قاتىستى بەرىلگەن تاپسىرمالار تۋرالى ايتا كەلىپ, سالاداعى كوپتەگەن تۇيتكىلدى ماسەلەلەر جونىندە اڭگىمەلەدى. «اتامەكەن» وداعى» ۇلتتىق كاسiپكەرلەر پالاتاسى مەملەكەتتiك قولداۋ كورسەتۋ قۇرالدارىنا تەكسەرiس جۇرگiزۋگە مۇددەلi ەكەنىنە توقتالدى. «قازiرگi ۋاقىتتا باسىمدىق بەرىلەتىن سالالار بەلگىلى, مەملەكەتتiك قولداۋ كورسەتۋ قۇرالدارىنىڭ بارلىعىنا تەكسەرiس جۇرگiزۋ قاجەت. بۇگiنگi كۇنi پالاتا اياسىندا كلاستەرلiك ساياسات بويىنشا قىزۋ پiكiرتالاس پەن تالقىلاۋ جۇرگiزiلۋدە. جەرگiلiكتi جەرلەردە ايماقتىق كلاستەردi قامتاماسىز ەتۋ ماسەلەلەرiنە كوڭiل ءبولiنiپ جاتىر», دەدi ا.مىرزاحمەتوۆ.
سونداي-اق, باسقارما توراعاسى كاسiپكەرلەرگە قارجى قۇرالدارىنىڭ قولجەتiمدiلiگi ماسەلەسى دە وزەكتi ەكەنىن ايتتى. «وسى ماسەلەنi شەشۋ ءۇشiن كونسۋلتانتتاردىڭ 2 توبى قۇرىلۋدا. ينۆەستيتسيا تارتۋ سالاسىندا تۇرiك تاجiريبەسiن قولدانۋدى كوزدەپ وتىرمىز», دەپ تولىقتىردى ول ءوز ءسوزىن. ا.مىرزاحمەتوۆتەن كەيىن كەزەك-كەزەگىمەن ءسوز العان كاسىپكەرلەر جۇمىس ۇدەرىسى كەزىندە كەزدەسەتىن كەدەرگىلەر جونىندە اڭگىمەلەدى. سولاردىڭ ءبىرى وندىرىلگەن تاۋارلاردى سەرتيفيكاتتاۋ ماسەلەسى ەكەن. ماسەلەن, قازاقستاندا بەرىلگەن سەرتيفيكات رەسەيدىڭ مەملەكەتتىك ورگاندارىندا مويىندالمايتىن كورىنەدى. سونداي-اق, بىرنەشە جىلدان بەرى ءۇزىلىسسىز شىعارىلىپ جاتقان ءونىمدى جىل سايىن قايتا سەرتيفيكاتتاپ وتىرۋدىڭ قانشالىقتى قاجەت ەكەندىگى دە ايتىلىپ قالدى. پرەمەر-مينيستر بۇل پروبلەمالار تاياۋ ۋاقىتتا شەشىمىن تابۋعا ءتيىس ەكەنىن ورىنباسارلارىنا ەسكەرتتى.
كەزدەسۋدە بىرقاتار ۆەدومستۆو باسشىلارى مەن ۇلتتىق پالاتانىڭ قىزمەتكەرلەرى ءسوز سويلەپ, شاعىن جانە ورتا بيزنەستى دامىتۋ جولدارى تۋرالى وزدەرىنىڭ ۇسىنىس-پىكىرلەرىن ورتاعا سالدى.
– ۇلتتىق كاسiپكەرلەر پالاتاسى مەن مەملەكەت جانە بيزنەس اراسىندا تىعىز بايلانىس ورناۋى ءتيىس. پرەزيدەنت كاسiپكەرلەردi توپتاستىرۋ بيزنەستi دامىتۋدىڭ جانە جالپى العاندا, ەكونوميكانى ءوسىرۋدىڭ ماڭىزدى فاكتورلارىنىڭ بiرi ەكەنiن بiرنەشە رەت ايتتى. وسى ورايدا, ۇكiمەتتiڭ قۇزىرەتتi سەرiكتەسi رەتiندە ۇلتتىق كاسiپكەرلەر پالاتاسىنىڭ ءرولiن اتاپ وتكiم كەلەدi. ول مەملەكەت پەن بيزنەس اراسىندا تىعىز بايلانىس ورناتىپ, بiزدiڭ كاسiپكەرلiكتiڭ قورعانىشى مەن تiرەگi بولۋى تيiس. قازiرگi ۋاقىتتا بارلىق ۇيىمداستىرۋ جۇمىستارى اياقتالىپ, اۋدان, قالالارعا دەيiن قامتيتىن تيiستi قۇرىلىم جاسالدى. ەندiگi كەزەكتە بارلىق دەڭگەيدە ونىڭ تيiمدi جانە سىندارلى قىزمەت ەتۋiن قامتاماسىز ەتۋ قاجەت, – دەپ قورىتىندىلادى ءسوزىن س.احمەتوۆ.
نۇرباي ەلمۇراتوۆ,
«ەگەمەن قازاقستان».
