ياعني كومپانيا كەپىلدىك بەرۋ تۋرالى شارتىن جاساسقان قازاقستاننىڭ قۇرىلىس سالۋشىلارى بىرەگەي QR-كودى بار سەرتيفيكاتتاردى الاتىن بولادى, ونى سكانەرلەپ, ساتىپ الۋشىلار سەرتيفيكاتتىڭ تۇپنۇسقالىعىن بىرىڭعاي وپەراتورىنىڭ www.khc.kz سايتىندا تەكسەرە الادى. قۇرىلىس سالۋشىلارعا تۇتىنۋشىلارمەن ءوز بايلانىس ارنالارىندا QR-كودتاردى پايدالانۋ قۇقىعى بەرىلەدى.
«تۇتىنۋشىلاردىڭ قۇقىقتارىن قورعاۋ جانە جوسىقسىز قۇرىلىس سالۋشىلاردىڭ تاراپىنان الاياقتىق ارەكەتتەردىڭ الدىن الۋ ماقساتىندا قتك-نىڭ ءاربىر كەپىلدىگى بىرەگەي QR-كودقا يە بولادى. بۇل ادامدارعا بەرىلگەن سەرتيفيكاتتىڭ تۇپنۇسقالىعىنا كوز جەتكىزۋگە مۇمكىندىك بەرەدى. جالپى, ءبىزدىڭ تاراپىمىزدان قازىر تۇرعىندار مەن قۇرىلىس سالۋشىلاردى تۇرعىن ءۇي قۇرىلىسىنا كەپىلدىك بەرۋ مەحانيزمى جانە بۇل قۇرالدىڭ قۇرىلىس توقتاپ قالعان جاعدايدا ەكى جاققا دا قالاي كومەكتەسە الاتىندىعى تۋرالى اقپاراتتاندىرۋ بويىنشا ۇلكەن جۇمىس جۇرگىزىلۋدە. اسىرەسە, وڭىرلەرگە ەرەكشە كوڭىل بولۋدەمىز», دەدى «قتك» اق باسقارما توراعاسى رۋستام يساەۆ.
ۇلەسكەرلەردىڭ قاراجاتىن تارتۋ ءۇشىن تۇرعىن ءۇي قۇرىلىسىنا ۇلەستىك قاتىسۋ تۋرالى زاڭىنا سايكەس قۇرىلىس سالۋشىلار ءۇش ءتاسىلدىڭ ءبىرىن پايدالانۋى ءتيىس ەكەنىن ەستەرىڭىزگە سالامىز: بىرىڭعاي وپەراتوردىڭ (قتك) كەپىلدىگىن الۋ; ەكىنشى دەڭگەيدەگى بانكتىڭ جوباعا قاتىسۋى; كوپ پاتەرلى تۇرعىن ءۇيدىڭ قاڭقاسىن سالعاننان كەيىن ۇلەسكەرلەردىڭ اقشاسىن تارتۋ. كوپ پاتەرلى تۇرعىن ۇيلەردى سالۋ ءۇشىن جەكە جانە زاڭدى تۇلعالاردىڭ اقشاسىن وزگە تاسىلدەرمەن تارتۋعا تىيىم سالىنادى. سونداي-اق, تۇتىنۋشىلارعا بىرىڭعاي وپەراتوردىڭ كەپىلدىكتەرى ناقتى قۇرىلىس وبەكتىسىنە بەرىلەتىنىن ءبىلۋ قاجەت. ياعني ءبىر قۇرىلىس سالۋشىنىڭ ءارتۇرلى وبەكتىلەرگە بىرنەشە كەپىلدىگىنىڭ بولۋى مۇمكىن. سونىمەن قاتار بىرنەشە كەزەكتەن نەمەسە بلوكتاردان تۇراتىن وبەكتىلەرگە دە جەكە كەپىلدىكتەردىڭ بەرىلۋى مۇمكىن. بۇگىنگى تاڭدا بىرىڭعاي وپەراتورمەن قازاقستان بويىنشا 115 كەپىل-
دىك بەرىلدى. 47 كەپىلدىك بويىنشا وبەكتىلەر پايدالانۋعا ءساتتى ەنگىزىلدى.
«جاقىن ارادا قۇرىلىس سالۋشىلاردان جىلجىمايتىن م ۇلىكتى ساتۋدا دەلدال بولىپ تابىلاتىن krisha.kz, homsters.kz, kn.kz, korter.kz سياقتى ءىرى الاڭداردا قتك كەپىلدىگىنىڭ بارى تۋرالى بەلگىلەر ورناتىلاتىن بولادى. سونىمەن قاتار Tengrinews.kz سايتىندا قالالار مەن قۇرىلىس سالۋشىلار بويىنشا ىزدەۋ مۇمكىندىگىمەن بىزبەن كەپىلدەندىرىلگەن بارلىق وبەكتىلەردىڭ ءتىزىمى بار ارنايى ءبولىم اشىلدى», دەدى ر.يساەۆ.
QR-كودتى تەلەفون كامەراسى (iOS وپەراتسيالىق جۇيەسىندە جۇمىس ىستەيتىن سمارتفوندار ءۇشىن) نەمەسە QR-كودتى وقۋعا ارنالعان ارنايى قوسىمشا (Andriod وپەراتسيالىق جۇيەسىندە جۇمىس ىستەيتىن سمارتفوندار ءۇشىن) ارقىلى سكانەرلەۋگە بولادى.
