الەم • 16 قىركۇيەك، 2021

پۋتين اۋعانستانداعى جاعداي تۋرالى: ايماق ەلدەرى ءۇشىن قاۋىپ بار

72 رەت كورسەتىلدى

ول اۋعانستاننان اقش اسكەرىن شىعارۋ شەشىمى وتە اسىعىس قابىلدانعانىن جەتكىزدى. بيلىككە «تاليبان» كەلگەن سوڭ ۇقشۇ ەلدەرىنىڭ ىنتىماقتاستىعى ماڭىزدى ەكەنىن اتاپ ءوتتى، دەپ جازادى Egemen.kz.

«ۇقشۇ جاۋاپكەرشىلىك ايماعىنداعى احۋال جاي عانا تۇراقسىز ەمەس، ءوڭىر ءۇشىن قاتەر بار دەۋگە بولادى»، دەپ مالىمدەدى رەسەي پرەزيدەنتى ۆلاديمير پۋتين.

«ۇيىمعا مۇشە مەملەكەتتەردىڭ شەكاراسىندا جاعداي تۇراقسىز عانا ەمەس، ءبىزدىڭ ازاماتتار ءۇشىن قاتەر ءتونىپ تۇر»، دەدى ول.

پۋتين كوروناۆيرۋسقا بايلانىستى ءوز-ءوزىن وقشاۋلاعان بولاتىن. ول جيىنعا ۆيدەوكونفەرەنتسيا فورماتىندا قاتىستى. 

بۇگىن دۋشانبەدە ۇجىمدىق قاۋىپسىزدىك تۋرالى شارت ۇيىمىنا مۇشە مەملەكەت باسشىلارىنىڭ وتىرىسى باستالدى. قازاقستان پرەزيدەنتى قاسىم-جومارت توقاەۆ وتىرىسقا تىكەلەي قاتىسىپ وتىر.

تاجىكستان پرەزيدەنتى ەمومالي راحمون وتىرىستى اشقان كەزدە تاجىكستاننىڭ ۇقشۇ-عا توراعالىعى ۇجىمدىق قاۋىپسىزدىك ايماعى توتەنشە سىن-قاتەرلەرگە تاپ بولعان كەزەڭمەن تۇسپا-تۇس كەلگەنىن ايتتى.

 

سوڭعى جاڭالىقتار

دوللار قايتا كوتەرىلدى

قارجى • بۇگىن، 16:35

ۇقساس جاڭالىقتار