جارمەڭكە ءداستۇرلى تۇردە سانيتارلىق تالاپتاردى ساقتاي وتىرىپ, «حان شاتىر» سوو جانىنداعى الاڭدا ۇيىمداستىرىلادى. جارمەڭكەدە وڭىرلەر ءتۇرلى ونىمدەر ۇسىنادى.
جالپى العاندا ەكى وبلىس ەلورداعا 336 توننا ءونىم اكەلەدى, ول نارىق باعاسىنان 10-15% تومەن باعامەن ساتىلاتىن بولادى.
اتىراۋ وبلىسى قالا تۇرعىندارىنا 20 توننادان استام ەت, 36 توننا بالىق جانە بالىق ونىمدەرى, 3 توننا ءسۇت ءونىمى, 1 توننا شۇجىق ءونىمى, 90 توننا كوكونىس ءونىمى, سونداي-اق 60 000 دانا جۇمىرتقا, 0,5 توننا نان ءونىمى, 0,5 توننا ەت كونسەرۆى, 1 توننا ماكارون ءونىمى, 0,5 توننا ۇن اكەلەدى.
ال جامبىل وبلىسى ەلورداعا 18 توننا ەت (جىلقى ەتى, سيىر ەتى, قوي ەتى جانە قۇس ەتى), 3,5 توننا شۇجىق ءونىمى, 12,1 توننا ءسۇت ءونىمى, 5,4 مىڭ دانا جۇمىرتقا, 1 توننا كونديتەرلىك ءونىم, 3 توننا ماكارون ءونىمى, 5 توننا قانت, 0,3 توننا تۇز, 4 توننا بالىق, 2,7 توننا وسىمدىك مايى, 2,5 توننا بال, 1 توننا كەپتىرىلگەن جەمىس, سونداي-اق 128,6 توننا كوكونىس پەن جەمىس ساتىلادى.
جارمەڭكەگە كەلۋشىلەر سانيتارلىق تالاپتاردى تولىقتاي ساقتاۋى قاجەت: ماسكا تاعۋ, الەۋمەتتىك قاشىقتىق جانە قولدى دەزينفەكتسيالىق قۇرالدارمەن زالالسىزداندىرۋ.
