2013 جىلعى 31 جەلتوقسان استانا, ۇكىمەت ءۇيى
قازاقستان رەسپۋبليكاسىنىڭ ۇلتتىق كاسىپكەرلەر پالاتاسى سەزىنىڭ شەشىمدەرىنە قازاقستان رەسپۋبليكاسى ۇكىمەتىنىڭ ۆەتو قويۋ جانە كەلىسۋ راسىمدەرى ارقىلى ونى ەڭسەرۋ قاعيدالارىن بەكىتۋ تۋرالى
2013 جىلعى 31 جەلتوقسان استانا, ۇكىمەت ءۇيى
قازاقستان رەسپۋبليكاسىنىڭ ۇلتتىق كاسىپكەرلەر پالاتاسى سەزىنىڭ شەشىمدەرىنە قازاقستان رەسپۋبليكاسى ۇكىمەتىنىڭ ۆەتو قويۋ جانە كەلىسۋ راسىمدەرى ارقىلى ونى ەڭسەرۋ قاعيدالارىن بەكىتۋ تۋرالى
«قازاقستان رەسپۋبليكاسىنىڭ ۇلتتىق كاسىپكەرلەر پالاتاسى تۋرالى» 2013 جىلعى 4 شىلدەدەگى قازاقستان رەسپۋبليكاسىنىڭ زاڭى 19-بابىنىڭ 2-تارماعىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان قازاقستان رەسپۋبليكاسىنىڭ ۇلتتىق كاسىپكەرلەر پالاتاسى سەزىنىڭ شەشىمدەرىنە قازاقستان رەسپۋبليكاسى ۇكىمەتىنىڭ ۆەتو قويۋ جانە كەلىسۋ راسىمدەرى ارقىلى ونى ەڭسەرۋ قاعيدالارى بەكىتىلسىن.
2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
قازاقستان رەسپۋبليكاسى ۇكىمەتىنىڭ
2013 جىلعى 31 جەلتوقسانداعى №1525 قاۋلىسىمەن بەكىتىلگەن
قازاقستان رەسپۋبليكاسىنىڭ ۇلتتىق كاسىپكەرلەر پالاتاسى سەزىنىڭ شەشىمدەرىنە قازاقستان رەسپۋبليكاسى ۇكىمەتىنىڭ ۆەتو قويۋ جانە كەلىسۋ راسىمدەرى ارقىلى ونى ەڭسەرۋ قاعيدالارى
وسى قازاقستان رەسپۋبليكاسىنىڭ ۇلتتىق كاسىپكەرلەر پالاتاسى سەزىنىڭ شەشىمدەرىنە قازاقستان رەسپۋبليكاسى ۇكىمەتىنىڭ ۆەتو قويۋ جانە كەلىسۋ راسىمدەرى ارقىلى ونى ەڭسەرۋ قاعيدالارى (بۇدان ءارى – قاعيدالار) «قازاقستان رەسپۋبليكاسىنىڭ ۇلتتىق كاسىپكەرلەر پالاتاسى تۋرالى» 2013 جىلعى 4 شىلدەدەگى قازاقستان رەسپۋبليكاسى زاڭىنا (بۇدان ءارى – زاڭ) سايكەس ازىرلەندى جانە قازاقستان رەسپۋبليكاسىنىڭ ۇلتتىق كاسىپكەرلەر پالاتاسى (بۇدان ءارى – ۇلتتىق پالاتا) سەزىنىڭ شەشىمدەرىنە قازاقستان رەسپۋبليكاسى ۇكىمەتىنىڭ ۆەتو قويۋ جانە كەلىسۋ راسىمدەرى ارقىلى ونى ەڭسەرۋ ءتارتىبىن ايقىندايدى.
1. ۆەتو قويۋ ءتارتىبى
1. ۇلتتىق پالاتا سەزىنىڭ جۇمىسىنا قاتىسىپ وتىرعان قازاقستان رەسپۋبليكاسى ۇكىمەتىنىڭ مۇشەلەرى (بۇدان ءارى – ۇكىمەت مۇشەلەرى) ۇلتتىق پالاتا سەزى وتىرىسىنىڭ بارىسىندا ۇلتتىق پالاتا سەزى قابىلداعان شەشىممەن كەلىسپەگەن جاعدايدا, ۇلتتىق پالاتا سەزى شەشىمىنىڭ حاتتاماسىندا كورسەتىلەتىن ءوزىنىڭ ەرەكشە پىكىرىن بىلدىرەدى.
2. ۇكىمەت مۇشەلەرىنىڭ ەرەكشە پىكىرى بار ۇلتتىق پالاتا سەزىنىڭ شەشىمىن ۇلتتىق پالاتا وعان قول قويىلعان كۇننەن باستاپ ءبىر جۇمىس كۇنى ىشىندە قازاقستان رەسپۋبليكاسىنىڭ ۇكىمەتىنە جىبەرەدى.
3. ۇكىمەت مۇشەلەرىنىڭ ەرەكشە پىكىرى بار ۇلتتىق پالاتا سەزىنىڭ شەشىمى ءتيىستى سالاداعى ۋاكىلەتتىك ورگانعا, سونداي-اق وزگە دە مۇددەلى مەملەكەتتىك ورگاندارعا قاراۋعا جىبەرىلەدى.
4. قارسىلىقتارى بار ماسەلەلەردى قاراۋ ناتيجەلەرى قازاكستان رەسپۋبليكاسى ۇكىمەتىنىڭ 2002 جىلعى 10 جەلتوقسانداعى №1300 قاۋلىسىمەن بەكىتىلگەن قازاقستان رەسپۋبليكاسى ۇكىمەتىنىڭ رەگلامەنتىندە كوزدەلگەن قازاقستان رەسپۋبليكاسى ۇكىمەتىنىڭ وتىرىستارىن دايىنداۋ جانە وتكىزۋ تارتىبىنە سايكەس قازاقستان رەسپۋبليكاسى ۇكىمەتىنىڭ وتىرىسىنا شىعارىلادى.
2. ۆەتونى ەڭسەرۋ ءتارتىبى
5. قازاقستان رەسپۋبليكاسى ۇكىمەتىنىڭ شەشىمىمەن كەلىسپەگەن جاعدايدا, ۇلتتىق پالاتا قازاقستان رەسپۋبليكاسىنىڭ ۇكىمەتىنە قازاقستان رەسپۋبليكاسى ۇكىمەتىنىڭ ۆەتوسىن ەڭسەرۋ نيەتى تۋرالى حات جولدايدى.
6. قازاقستان رەسپۋبليكاسى ۇكىمەتىنىڭ ۆەتو قويۋ تۋرالى شەشىمى ۇلتتىق پالاتا سەزىنىڭ شەشىمدەرىنە قازاقستان رەسپۋبليكاسى ۇكىمەتىنىڭ ۆەتوسىن ەڭسەرۋ جونىندەگى كەلىسۋ كوميسسياسىن (بۇدان ءارى – كەلىسۋ كوميسسياسى) قۇرۋ جولىمەن كەلىسۋ راسىمدەرى ارقىلى ەڭسەرىلەدى.
7. كەلىسۋ كوميسسياسى وسى قاعيدالاردىڭ 5-تارماعىندا كورسەتىلگەن ۇلتتىق پالاتانىڭ حاتى تۇسكەن كۇننەن باستاپ 10 جۇمىس كۇنى ىشىندە قازاقستان رەسپۋبليكاسى پرەمەر-ءمينيسترىنىڭ وكىمىمەن قۇرىلادى.
8. كەلىسۋ كوميسسياسى قازاقستان رەسپۋبليكاسى ۇكىمەتىنىڭ جانە ۇلتتىق پالاتا وكىلدەرىنىڭ تەڭ سانىنان تەپە-تەڭ باستامادا قۇرىلادى.
9. كەلىسۋ كوميسسياسىنىڭ قۇرامىنا قازاقستان رەسپۋبليكاسىنىڭ ۇكىمەتىنەن قۇزىرەتىنە ەرەكشە پىكىر بار ماسەلەلەردى قاراۋ كىرەتىن مەملەكەتتىك ورگانداردىڭ وكىلدەرى ەنگىزىلۋى مۇمكىن.
10. كەلىسۋ كوميسسياسىنىڭ توراعاسى قازاقستان رەسپۋبليكاسى ۇكىمەتىنىڭ وكىلدەرى قۇرامىنان سايلانادى.
11. كەلىسۋ كوميسسياسىنىڭ شەشىمى اشىق داۋىس بەرۋ ارقىلى كەلىسۋ كوميسسياسى مۇشەلەرىنىڭ قاراپايىم كوپشىلىك داۋسىمەن قابىلدانادى, ال داۋىستار تەڭ بولعان جاعدايدا, كوميسسيا توراعاسىنىڭ داۋسى شەشۋشى بولىپ سانالادى.
12. كەلىسۋ كوميسسياسى جۇمىس قورىتىندىلارى بويىنشا ودان ءارى قازاقستان رەسپۋبليكاسى ۇكىمەتىنىڭ وتىرىسىنا شىعارۋ جانە تۇپكىلىكتى شەشىم قابىلداۋ ماقساتىندا قازاقستان رەسپۋبليكاسىنىڭ ۇكىمەتىنە جىبەرىلەتىن ۇسىنىمدار ازىرلەيدى.
13. قازاقستان رەسپۋبليكاسى ۇكىمەتىنىڭ ۆەتوسىن ەڭسەرۋ وسى قاعيدالاردىڭ 4-تارماعىنا سايكەس قازاقستان رەسپۋبليكاسى ۇكىمەتىنىڭ ءتيىستى شەشىمىمەن رەسىمدەلەدى.
قازاقستان رەسپۋبليكاسى ۇكىمەتىنىڭ ۆەتوسى ەڭسەرىلمەگەن ۇلتتىق پالاتا سەزىنىڭ شەشىمدەرى قولدانىسقا ەنگىزىلمەيدى.
