كەزدەسۋ ەلوردا ۋاقىتىمەن 22.30-دا باستالىپ, «Qazsport» تەلەارناسىنان تىكەلەي ەفيردە كورسەتىلەدى.
ەكى كوماندا بۇگىنگە دەيىن 13 مارتە شەبەرلىك بايقاستى. ونىڭ جەتەۋى «بارىستىڭ» باسىمدىعىمەن اياقتالسا, قالعانىندا رەسەيلىك كلۋبتىڭ مەرەيى ۇستەم بولدى.
ەسكە سالساق, ءتۋرنيردىڭ بيىلعى العاشقى ەكى ويىنىندا ەلوردادا 3 قىركۇيەكتە «بارىس» رەسەيدىڭ «سالاۆات يۋلاەۆ» كلۋبىنان 1:5, «مەتاللۋرگ» (ماگنيتوگورسك) كلۋبىنان 1:2 ەسەبىمەن جەڭىلدى.
ودان كەيىن «امۋر» (حاباروۆسك) كومانداسىنان 3:2 ەسەبىمەن باسىم ءتۇستى. ءتورتىنشى ويىنىندا رەسەيلىك تاعى ءبىر كلۋب «سپارتاك» (ماسكەۋ) كومانداسىنا 1:4 ەسەبىمەن جول بەردى.
