ەكولوگيا, گەولوگيا جانە تابيعي رەسۋرستار ءمينيسترى سەرىكقالي برەكەشەۆ ەكولوگيا, گەولوگيا, بالىق, ورمان جانە سۋ شارۋاشىلىعى سالالارىندا ەگترم نەگىزگى كاپيتالعا تارتاتىن ينۆەستيتسيالاردىڭ 2021-2025 جىلدارعا ارنالعان نىسانالى كولەمى 2,5 ترلن تەڭگەنى قۇرايتىنىن ءمالىم ەتتى.
ينۆەستيتسيالىق جوبالار پۋلىنا نۇر-سۇلتان, اقتوبە, شىمكەنت, وسكەمەن, قاراعاندى جانە الماتى قالالارىندا «Waste to Energy» قوقىس جاعاتىن زاۋىتتارىن سالۋ, جەر قويناۋىن گەولوگيالىق زەرتتەۋ سالاسىندا شەتەلدىك ارىپتەستەرمەن ىنتىماقتاستىقتى كەڭەيتۋ, سۋمەن قامتاماسىز ەتۋدىڭ تۇيىق تسيكلىندەگى بالىق ءوسىرۋ شارۋاشىلىقتارىن, توعان جانە شارباقتى بالىق ءوسىرۋ شارۋاشىلىقتارىن دامىتۋ, كاسپي تەڭىزىندە بالىق اۋلاۋدى ۇيىمداستىرۋ, قۇراما جەم, ارتەميا تسيستالارىن وڭدەۋ زاۋىتتارىن سالۋ جانە ت. ب. كىرەدى.
ورمان قورىندا ەكولوگيالىق ءتۋريزمدى دامىتۋ ماقساتىندا ىلە الاتاۋى, شارىن, «كولساي كولدەرى», «التىن ەمەل» جانە ت. ب. مەملەكەتتىك ۇلتتىق تابيعي پاركتەرىندە قاجەتتى ينفراقۇرىلىمدى قالىپتاستىرۋ بويىنشا جوبالار ىسكە اسىرىلادى. سۋ شارۋاشىلىعى سالاسىندا جامبىل وبلىسىنداعى تاسوتكەل ماگيسترالدى كانالىن, ۇلكەن الماتى كانالىن, الماتى وبلىسىنىڭ سۋ شارۋاشىلىعى جانە گيدرومەليوراتيۆتىك جۇيەلەرىن رەكونسترۋكتسيالاۋ جانە جاڭعىرتۋ, تۇركىستان وبلىسىنداعى وگەم وزەنىندە سەس كاسكادى بار سۋ تارتقىش سالۋ جوسپارلانىپ وتىر.
«بايتەرەك» ۇبح» اق باسقارما توراعاسى ايدار ءارىپحانوۆ قازاقستاننىڭ دامۋ بانكىنىڭ (قدب) قورجىنىندا جالپى سوماسى 7,1 ترلن تەڭگەگە 61 ينۆەستيتسيالىق جوبا جانە 16 ەكسپورت الدىنداعى وپەراتسيا بار ەكەنىن ايتتى.
وسى جىلدىڭ 6 ايىندا قدب جاڭارتىلاتىن ەنەرگەتيكا, اۆتوموبيل جاساۋ, تمك جانە تۋريزم سالالارىندا 47 ملرد تەڭگەگە 5 ينۆەستيتسيالىق جوبانى جانە 67,9 ملرد تەڭگەگە 14 ەكسپورتتىق وپەراتسيانى قارجىلاندىردى. لوگيستيكا, قۇرىلىس يندۋسترياسى, جاڭارتىلاتىن ەنەرگەتيكا, تمك سالالارىنداعى 4 ينۆەستيتسيالىق جوبا, سونداي-اق 211 ملرد تەڭگە سوماسىنا 2 ەكسپورت الدىنداعى وپەراتسيا قارجىلاندىرۋعا ماقۇلداندى.
ونەركاسىپتى دامىتۋ قورى جەلىسى بويىنشا اۋىل شارۋاشىلىعى تەحنيكاسىن, اۆتوبۋس پاركىن, جۇك ۆاگوندارىن, كوممۋنالدىق جانە ءورت ءسوندىرۋ تەحنيكاسىن جاڭارتۋ, وتاندىق اۆتووندىرۋشىلەردى قولداۋ جانە ت. ب. بويىنشا جالپى سوماسى 45,88 ملرد تەڭگەگە 198 جوبا قارجىلاندىرىلدى.
اوك دامىتۋ اياسىندا «بايتەرەك» ۇبح» اق ەنشىلەس قۇرىلىمدارى 2021 جىلدىڭ ءى جارتىجىلدىعىندا 282,5 ملرد تەڭگە سوماسىنا 14 397 قارىز بەردى. وسى جىلدىڭ اياعىنا دەيىن سەكتوردى بارلىعى 388,3 ملرد تەڭگە كولەمىندە قارجىلاندىرىپ, 831 ملن تەڭگەگە 373 بىرلىك كەپىلدىك بەرۋ كوزدەلىپ وتىر.
«Kazakh Invest» ۇك» اق باسقارما توراعاسى مەيىرجان يۋسۋپوۆ «Task Force» ارنايى ينۆەستيتسيالىق بولىمشەسى اوك, حيميا جانە تاۋ-كەن مەتاللۋرگياسى ونەركاسىبى, فارماتسەۆتيكا, ەنەرگەتيكا, قۇرىلىس ماتەريالدارىن ءوندىرۋ, كولىك جانە لوگيستيكا سالالارىندا $12 ملرد استام سوماعا 57 جوبانى پىسىقتاپ جاتقانىن مالىمدەدى.
جامبىل وبلىسى اكىمىنىڭ ورىنباسارى الماس ماديەۆ 2021-2025 جىلدارعا اكىمدىك اوك, حيميا جانە تاۋ-كەن مەتاللۋرگياسى ونەركاسىبى, جاڭارتىلاتىن ەنەرگەتيكا, قۇرىلىس ماتەريالدارىن ءوندىرۋ جانە ت. ب. سياقتى سالالاردا جالپى سوماسى 2,5 ترلن تەڭگەگە 107 ينۆەستيتسيالىق جوبادان تۇراتىن پۋل قالىپتاستىرعانىن اتاپ ءوتتى. بيىلعى جىلدىڭ 8 ايىندا جامبىل وبلىسىندا نەگىزگى كاپيتالعا سالىنعان ينۆەستيتسيالار كولەمى 231,1 ملرد تەڭگەنى قۇرادى, بۇل وتكەن جىلعى سايكەس كەزەڭدەگى كورسەتكىشتەن 20,2%-عا ارتىق. وسى جىلى نەگىزگى كاپيتالعا 421 ملرد تەڭگە كولەمىندە ينۆەستيتسيالار اعىنىن قامتاماسىز ەتۋ جوسپارلانىپ وتىر.
اقمولا وبلىسى اكىمىنىڭ ورىنباسارى قانات ىدىرىسوۆ الداعى 5 جىلعا اكىمدىك اوك, قۇرىلىس يندۋسترياسى, تمك, ەنەرگەتيكا, ماشينا جاساۋ, تۋريزم, ءبىلىم بەرۋ جانە ت. ب. سالالاردا 1,8 ترلن تەڭگە سوماسىنا 330 جوبادان تۇراتىن پۋل قۇرعانىن باياندادى. بيىل جالپى سوماسى 695,8 ملرد تەڭگەگە 108 جوبا ىسكە اسىرىلا باستادى. وسى جىلعى قاڭتار-تامىز ايلارىندا اقمولا وبلىسىندا نەگىزگى كاپيتالعا سالىنعان ينۆەستيتسيالار كولەمى 276,3 ملرد تەڭگەنى قۇرادى, بۇل وتكەن جىلعى سايكەس كەزەڭدەگى كورسەتكىشتەن 10%-عا ارتىق. بيىل نەگىزگى كاپيتالعا بارلىعى 558 ملرد تەڭگە كولەمىندە ينۆەستيتسيا اعىنىن قامتاماسىز ەتۋ كوزدەلىپ وتىر.
ۇكىمەت باسشىسى بارلىق مەملەكەتتىك ورگانعا, وڭىرلەر اكىمدىكتەرىنە جانە كۆازيمەملەكەتتىك سەكتور سۋبەكتىلەرىنە ىشكى جانە سىرتقى ينۆەستيتسيالاردى تارتۋ بويىنشا جۇمىستى جۇيەلى نەگىزدە جالعاستىرۋدى تاپسىردى.
