وتكەن جازدا گرۋزيادا جوعالىپ كەتكەن الماتىلىق ءجاسوسپىرىم يليا ءپيلپانيدىڭ اناسى قۇقىق قورعاۋ ورگاندارى ونىڭ قايدا ەكەنىن ءالى انىقتاي الماعانىن ايتتى. قۇتقارۋشىلار كوكتەمگە دەيىن سۆانەتي ايماعىنداعى اۋدانداردا بەلسەندى ىزدەستىرۋ جۇمىستارىن جۇرگىزدى.
« ۇلىمدى مۇقيات ىزدەدى. گرۋزيانىڭ قۇتقارۋشىلارىنا, ءىىم-نە ەشقانداي شاعىمىم جوق», دەدى جوعالعان ءجاسوسپىرىمنىڭ اناسى كسەنيا پيلپاني.
بۇعان دەيىن يليا ءپيلپانيدىڭ اناسى, بالاسى ۇرلانعان بولۋى مۇمكىن ەكەنىن مالىمدەگەن ەدى. وسىدان كەيىن وعان حالىقارالىق ىزدەۋ جاريالاندى.
كسەنيانىڭ ايتۋىنشا, گرۋزيانىڭ قىلمىستىق كودەكسىنىڭ 143-بابى بويىنشا قىلمىستىق ءىس «كامەلەتكە تولماعانداردى زاڭسىز باس بوستاندىعىنان ايىرۋ» (سونداي-اق كامەلەتكە تولماعانداردىڭ ساۋداسى) تەرگەۋ جالعاسىپ جاتىر, ءىس ءالى جابىلعان جوق. ينتەرپولعا ىزدەۋ جاريالاندى, بىراق باسقا ەلدەردەن اقپارات تۇسكەن جوق.
ءجاسوسپىرىمنىڭ اتا-اناسى گرۋزيانىڭ قۇقىق قورعاۋ ورگاندارىمەن بايلانىستا.
ەسكە سالايىق, 13 جاستاعى يليا پيلپاني گرۋزيادا 18 شىلدەدە تاڭەرتەڭ ۇيدەن ۆەلوسيپەدپەن شىعىپ, جوعالىپ كەتكەن.
يليا پيلپاني - قازاقستان ازاماتى. ول الماتىدان مەستيسك اۋدانىندا (سۆانەتي ايماعى) تۇراتىن اكەسىنىڭ تۋىستارىنا قىستا قوناققا بارعان. الايدا پاندەمياعا بايلانىستى ۇيىنە قايتا الماعان.
