حوككەي • 15 قىركۇيەك، 2021

«بارىس» ايگىلى تسسكا-نى تىزە بۇكتىردى

22 رەت كورسەتىلدى

وسىعان دەيىنگى ءتورت ويىندى ءوز مۇز ايدىنىندا وتكىزىپ، سونىڭ ۇشەۋىندە ۇتىلعان نۇر-سۇلتاننىڭ «بارىسى» الداعى ءۇش كەزدەسۋدى سىرتتا وتكىزەتىنى بەلگىلى، دەپ جازادى Egemen.kz.

تۇزدەگى العاشقى باسەكەدە جەرلەستەرىمىز ماسكەۋدىڭ تسسكا كلۋبىمەن كۇش سىناستى. ولار بىلتىرعى ماۋسىمدا گاگارين كۋبوگىنىڭ فينالىندا ويناعان. ستاتيستيكالىق مالىمەتتەرگە جۇگىنسەك، بۇعان دەيىن قوس كوماندا ءبىر-بىرىمەن 25 رەت كەزدەسكەن ەكەن. بۇل باسەكەلەردىڭ 17-دە اسكەريلەر جەڭىسكە جەتسە، 8-ىندە قازاقستاندىقتاردىڭ مىسى باسىم بولدى. ونىڭ ۇستىنە تسسكا بيىلعى ماۋسىمدى وتە جاقسى باستاپ، بەس ماتچتىڭ تورتەۋىن ءوز پايداسىنا شەشتى.

بۇل باسەكەنى دە ايدىن يەلەرى وتە قارقىندى باستادى. ولار ءبىرىنشى كەزەڭدە نيكيتا بوياركين قورعاعان قاقپاعا ەكى شايبا ەنگىزدى. ۇزىلىستەن كەيىن كەرتيس ۆولك ەسەپ ايىرماشىلىعىن قىسقارتتى. ءۇشىنشى كەزەڭدە ناعىز قىزىقتىڭ كۋاسى بولدىق. بار جان-دارمەندەرىمەن شابۋىلداعان «بارىستىڭ» حوككەيشىلەرى بەس مارتە قارسىلاستار قاقپاسىنان ساڭلاۋ تاپتى. بۇل گولداردىڭ اۆتورلارى – ياكوب بەرگلۋند، داررەن ديتس (ەكى رەت)، ءاليحان اسەتوۆ جانە ياكوب ليليا. تسسكا-نىڭ ويىنشىلار بۇل كەزەڭدە ءبىر مارتە عانا مەرگەندىك تانىتا الدى. ەسەپ – 3:6.

ماسكەۋدەگى ماتچ اياقتالعان بەتتە «بارىس» بالتىق جاعالاۋىن بەتكە الدى. 16-قىركۇيەك كۇنى ولار لاتۆيانىڭ ريگا قالاسىندا جەرگىلىكتى «دينامو» كلۋبىنا قارسى وينايدى.

سوڭعى جاڭالىقتار

ۇرلانعان 28 كولىك تابىلدى

وقيعا • بۇگىن، 15:11

اتىراۋدا 23 ادامدى شايان شاققان

ايماقتار • بۇگىن، 13:35

ۇقساس جاڭالىقتار