«اتالعان زاڭ جوباسى مەملەكەتتىك باسقارۋ جۇيەسىن ودان ارى جەتىلدىرۋ ماقساتىندا ازىرلەنگەن. وسى زاڭ جوباسى بيىل 2 ماۋسىمدا ءبىرىنشى وقىلىمدا ماقۇلداندى. زاڭ جوباسىمەن جۇمىس جاساۋ بارىسىندا دەپۋتاتتار مىنالاردى كوزدەيتىن تۇزەتۋلەر ەنگىزدى: ۇكىمەتتىڭ تاماق ونىمدەرىنىڭ قاۋىپسىزدىگى سالاسىنداعى جانە سۋ شارۋاشىلىعى سالاسىنداعى جەكەلەگەن وكىلەتتىكتەرىن ساقتاۋى; اگروونەركاسىپتىك كەشەندى دامىتۋ سالاسىنداعى ۋاكىلەتتى ورگاننان جانۋارلار دۇنيەسىن قورعاۋ, مولايتۋ جانە پايدالانۋ سالاسىنداعى ورگانعا اسىل تۇقىمدى بالىق ءوسىرۋدى دامىتۋ بويىنشا قۇزىرەتتەر بەرۋ; اۋديتورلىق قىزمەت, بۋحگالتەرلىك ەسەپ جانە قارجىلىق ەسەپتىلىك سالالارىنداعى رۇقسات بەرۋ راسىمدەرىن جۇرگىزۋ بويىنشا, سونداي-اق اەروتۇسىرىلىم جۇمىستارىن جۇرگىزۋ جونىندەگى نورمالاردى ناقتىلاۋ. بۇعان قوسا, جەكەلەگەن نورمالاردى ناقتىلايتىن جانە زاڭ جوباسىنىڭ مازمۇنىن جاقسارتاتىن تۇزەتۋلەر ەنگىزىلدى», دەدى زاڭ جوباسىن تانىستىرعان ءماجىلىس دەپۋتاتى جامبىل احمەتبەكوۆ.
ونىڭ اتاپ وتۋىنشە, زاڭ جوباسى بويىنشا 172 تۇزەتۋ كەلىپ ءتۇستى. ولار جۇمىس توبىنىڭ 18 وتىرىسىندا, كوميتەتتىڭ كەڭەيتىلگەن وتىرىستارىندا مۇددەلى مەملەكەتتىك ورگاندارمەن, قوعامدىق ۇيىمداردىڭ وكىلدەرىمەن قارالدى.
ء«ماجىلىستىڭ بارلىق كوميتەتى زاڭ جوباسى بويىنشا وڭ قورىتىندى بەردى. وسىعان وراي زاڭ جوباسىن تۇتاستاي ماقۇلداپ, قر پارلامەنتى سەناتىنىڭ قاراۋىنا جىبەرۋدى ۇسىنامىز», دەدى ول.
ءماجىلىس دەپۋتاتى زاڭ جوباسىن ءبىراۋىزدان ماقۇلداپ, قۇجات سەنات قاراۋىنا جىبەرىلدى.
