الەم • 15 قىركۇيەك، 2021

نيدەرلاند الەۋمەتتىك قاشىق شەكتەۋىن الىپ تاستادى

17 رەت كورسەتىلدى

نيدەرلاند كورولدىگىندە 18 ايداي ۋاقىت وتكەن سوڭ كوروناۆيرۋس پاندەمياسى جاعدايىندا قالىپتى ومىرگە قايتىپ ورالۋعا ۇلكەن قادام جاساپ وتىر، دەپ حابارلايدى Egemen.kz.

بۇل تۋرالى DW سايتى مالىمدەدى.

14 قىركۇيەك كۇنى نيدەرلاندى پرەمەر-ءمينيسترى مارك ريۋتتە 25 قىركۇيەكتەن باستاپ كورولدىكتە 1،5 مەتر الەۋمەتتىك قاشىقتى ساقتاۋ ەرەجەسى جويىلاتىنىن مالىمدەدى.

بۇل ادامداردىڭ كوپشىلىك جينالاتىن كونتسەرت، تەاتر، مەيرامحانالار مەن دامحانالارعا بارۋىنا مۇمكىندىك بەرەدى. ەندى ەلدىڭ جوعارعى فۋتبول ديۆيزيونىنىڭ ماتچتارى 2020 جىلدىڭ كوكتەمىنەن بەرى ادام تولىق جينالعان ستاديونداردا وتەدى. قوعامدىق تاماقتانۋ ورىندارى، مادەني جانە سپورت شارالارىنا كەلۋشىلەر ەكپە جاسالعانى كورسەتىلگەن كوۆيد قۇجاتىن نەمەسە كوروناۆيرۋسپەن اۋىرعانى تۋرالى انىقتامانى، نە SARS-CoV-2 ۆيرۋسىنا انىقتايتىن تەستىنىڭ تەرىس ناتيجەسىن ۇسىنۋى ءتيىس. بۇل رەتتە كورولدىك ۇكىمەتىنىڭ باسشىسى ازاماتتاردى ساق بولۋعا ۇندەدى.

«بۇل كوروناۆيرۋس پاندەمياسىنا دەيىنگى ۋاقىت ەمەس، سەبەبى ينفەكتسيا جۇقتىرۋ وقيعالارى ءالى دە كوپ، اۋرۋحانالاردا دەرتكە شالدىققان ادامدار ءالى قانشاما»، دەدى ريۋتتە.

ونىڭ ايتۋىنشا، ينفەكتسيانىڭ كۇزدە قالاي ءوربيتىنى بەلگىسىز. ەل ۇكىمەتى كوۆيد قۇجاتىن ەنگىزۋ ارقىلى تۇرعىنداردى ۆاكتسينا الۋعا ىنتالاندىرماق.

بۇگىندە گوللانديا ازاماتتارىنىڭ 63 پايىزعا جۋىعى ەكپە سالدىرتقان. مەديتسينا بيلىگىنىڭ باعالاۋىنشا، قازىرگى كەزدە ەلدە ينفەكتسيانىڭ ءىرى وشاعى – مەكتەپتەر. اۋرۋحانالارداعى جاعداي ازداپ جاقسارعان، بىراق ءالى دە كۇردەلى بولىپ قالۋدا.

سوڭعى جاڭالىقتار

بەلگرادتا بەلدەسەدى

سپورت • بۇگىن، 09:06

جاپونيادا سىنعا تۇسەدى

سپورت • بۇگىن، 09:03

ەڭ باستىسى – ازاماتتاردىڭ سەنىمى

قازاقستان • بۇگىن، 08:43

Smart Zholy جەڭىمپازدارى انىقتالدى

قازاقستان • بۇگىن، 08:36

قۇندى قاعازعا قىزىعاتىندار كوپ

ەكونوميكا • بۇگىن، 08:32

اسىل اعانىڭ شاراپاتى

رۋحانيات • بۇگىن، 00:08

قۇيماقۇلاق

رۋحانيات • كەشە

گاز باعاسى نەگە قىمبات؟

ايماقتار • كەشە

ۇقساس جاڭالىقتار