وبلىستىق سانيتارلىق-ەپيدەميولوگيالىق باقىلاۋ دەپارتامەنتى مەن دەنساۋلىق ساقتاۋ باسقارماسى وكىلدەرىنىڭ ايتۋىنشا, جالپى پاندەميا باستالعالى وڭىردە كوروناۆيرۋسپەن اۋىرعان 30 مىڭنان استام ادام تىركەلگەن. سونىڭ 2 مىڭ 920-سى – 14 جاسقا دەيىنگى بالالار.
سوڭعى كەزدەرى بالاۋسا جاستاعى بالعىنداردىڭ ىندەت جۇقتىرۋى كوبەيىپ بارا جاتقانىن قوستاناي وبلىسى باس سانيتارلىق دارىگەرىنىڭ ورىنباسارى يۋري سەۆوستيانوۆ تا ايتىپ وتىر.
«كەشە عانا قوستانايداعى 40-تان استام سىنىپ كارانتينگە جابىلدى. ەگەر بۇعان دەيىن COVID-19 انىقتالعان بارلىق ناۋقاستىڭ ىشىندە 5-10 بالادان تىركەلىپ وتىراتىن, وكىنىشكە قاراي, قازىر 20-25-كە جەتتى. ىندەت جۇقتىرعان بالالاردىڭ جالپى تاۋلىكتىك ءوسىمى بۇرىن 5-10% بولاتىن, قازىر – 11-دەن 15%-عا دەيىن. ءبىر سوزبەن ايتقاندا, بالالار ءجيى اۋىرادى. سوندىقتان اتا-انالاردان سۇرايتىنىمىز, ءسال عانا بولسا دا اۋرۋ بەلگىسى بايقالعان بالانى مەكتەپكە جىبەرمەۋ كەرەك», دەدى يۋ.سەۆوستيانوۆ.
قالالىق ءبىلىم ءبولىمىنىڭ باسشىسى گۇلسىم ورازباەۆانىڭ ايتۋىنشا, قوستانايدا ساباق باستالعان ءبىر جارىم اپتانىڭ ىشىندە 19 مەكتەپتەگى 57 سىنىپ كارانتينگە جابىلعان. ونىڭ ىشىندە, ماسەلەن, №7 جانە 16 ورتا مەكتەپتەر بار. COVID-19-بەن اۋىرعان وقۋشى انىقتالعان جاعدايدا, سىنىپتى ەكى اپتا مەرزىمگە قاشىقتان وقۋعا جىبەرەدى. قالعان سىنىپتار قالىپتى وقۋدان قول ۇزبەيدى. بۇگىندە 1 081 وقۋشىنىڭ ناۋقاسپەن بايلانىستا بولعانى بەلگىلى بولىپ وتىر.
«ەگەر سىنىپتاعى بالا قاۋىپتى ۆيرۋس جۇقتىرىپ السا, وندا ەپيدەميولوگ ناۋقاس وقۋشىمەن بايلانىستا بولعانداردى انىقتاپ, ول ءتىزىمدى ەمحاناعا جىبەرۋى ءتيىس. ەمحانا دارىگەرلەرى بۇل بالالاردى تەگىن پتر-تەستىلەۋدەن وتكىزەدى. مۇنداي جاعدايدا, سىنىپ نەمەسە بالاباقشاداعى توپ كارانتينگە جىبەرىلەدى. ەگەر وقۋشىنىڭ اتا-اناسى كوروناۆيرۋسپەن اۋىرسا, وندا كارانتينگە بالانىڭ ءوزى عانا جىبەرىلىپ, ونىڭ سىنىبى قالىپشا وقي بەرەدى», دەدى باس سانيتاردىڭ ورىنباسارى.
سونداي-اق, تۇماۋ تيگەن نەمەسە تاماعىن قارلىقتىرىپ العان بالالار دا ساباقتان بوساتىلادى. سانيتارلىق دارىگەرلەردىڭ ايتۋىنشا, ەگەر سىنىپتاعى بالالاردىڭ 20-30%-ى سۋىق تيگىزىپ العان جاعدايدا, ساباق توقتاتىلۋى ءتيىس. مۇنداي بالالار ءبىر اپتا بويى دارىگەر باقىلاۋىندا بولادى.
قوستاناي وبلىسى
