وڭىردە ىندەتتىڭ الدىن الۋ باعىتىندا قىرۋار جۇمىس اتقارىلىپ جاتقانىمەن, جۇقپالى اۋرۋدىڭ ەكپىنى ءالى باسەڭدەمەي تۇر. ەتەك الىپ كەتۋىنە ەڭ الدىمەن ەلدىڭ ءوزى كىنالى. قاۋىپسىزدىك شارالارى ساقتالا بەرمەيدى. العاشقى بەتتە ابىرجىپ, ءبىر-بىرىنە ۇركە قاراعان ادامداردىڭ ەتى ۇيرەنىپ كەتكەن ءتارىزدى. مۇنداي نەمقۇرايدىلىق جاقسىلىققا باستاماسى بەلگىلى. ايتسە دە سالا قىزمەتكەرلەرى سالعىرت ەمەس. ەل باسىنا تونگەن ناۋبەتپەن حال-قادەرىنشە كۇرەسۋدە. ەمدەلۋشىلەرگە قاشىقتان كەڭەس بەرۋ جۇمىسى جولعا قويىلعان. 105 ءموبيلدى توپ جۇمىس ىستەيدى. وڭىردە دەنساۋلىق ساقتاۋ باسقارماسى ىشكى ساياسات باسقارماسىمەن بىرلەسە وتىرىپ, كەلەلى ماسەلەلەردى تالقىلاۋ, الەۋمەتتىك جەلىلەرگە باقىلاۋ جاساۋ جانە تالداۋدى دۇرىس ۇيىمداستىرۋ ءۇشىن «COVID-19» ءباسپاسوز ورتالىعىن ۇيىمداستىردى.
وبلىستا بۇگىنگە دەيىن 38 773 ادامعا جۇقپالى اۋرۋ جۇققانى راستالدى. سوڭعى جۇمادا اپتالىق كورسەتكىش 5,2 پايىزعا ءوستى. 1 قىركۇيەككە دەيىن جامان تۇماۋدىڭ شەڭگەلىنە ىلىككەن 385 ادامنىڭ ومىردەن وتكەنى بەلگىلى بولىپ وتىر. الدىڭعى اپتادا عانا ونداعان ادام دەرت سالدارىنان كوز جۇمىپ, بۇل ورايداعى كورسەتكىش 9 پايىزعا وسكەن. قاۋىپتى ىندەت جۇقتىرعان ناۋقاستاردىڭ 21 677-ءى ەمحاناعا وزدەرى كەلىپ تەكسەرىلگەن كەزدە اعزالارىنان جۇقپالى اۋرۋ انىقتالسا, 12 035-ءى ناۋقاس ادامدارمەن قارىم-قاتىناستا بولعاندار. دەمەك, بۇل ورايدا دا ساقتانۋ شارالارىنىڭ تالاپقا ساي ەمەس ەكەندىگى اڭعارىلادى. 3 339 ادامنىڭ ناۋقاس ەكەنى پروفيلاكتيكالىق سكرينينگ كەزىندە انىقتالعان.
بۇگىندە ەش ادامدى اياۋدى بىلمەس ىندەتتىڭ الاپات زاردابىنان امان قالۋدىڭ جالعىز جولى – ەكپە الۋ ەكەندىگى بەلگىلى. اقپان ايىنان باستاپ وبلىس تۇرعىندارى 629 190 دوزا ۆاكتسينا العان. ونىڭ ىشىندە 332 595-ءى
ەكپەنىڭ ءبىرىنشى كومپونەنتىن, 296 595-ءى ەكىنشى كومپونەنتتى العاندار. وسىلايشا, وسى جىلدىڭ اقپان ايىنان باستاپ ەكپە جۇمىستارى ەكپىندى جۇرگىزىلىپ كەلەدى.
بۇگىنگى تاڭدا وبلىستىڭ كاسىپورىندارىندا جۇمىس ىستەيتىن 18 168 جۇمىسشى ەكپە الىپ ۇلگەردى. ولاردىڭ ىشىندە مۇعالىمدەر مەن ستۋدەنتتەر دە بار. ءتىپتى, سوزىلمالى سىرقاتى بار ادامداردىڭ باسىم كوپشىلىگى ەكپە الىپ ۇلگەرگەن.
قازىر ەكپە الۋدىڭ ەش قيىندىعى جوق. 133 ۆاكتسينا ورتالىعى مەن 135 ءموبيلدى توپ تۇراقتى جۇمىس ىستەيدى. بۇل جۇمىسقا 564 مەديتسينا قىزمەتكەرى تارتىلىپ وتىر. وبلىس اۋداندارىندا 11 جىلجىمالى مەديتسينالىق كەشەن وسى باعىتتاعى جۇمىستى تىڭعىلىقتى اتقارۋدا.
الدىن الۋ جۇمىستارىمەن بىرگە ادامداردىڭ دا ءوز دەنساۋلىعىنا سالعىرت قاراماي, دارىگەرلەر كەڭەسىن ەسكەرىپ وتىرسا, جامان تۇماۋدىڭ قارقىنى قايتار ەدى.
اقمولا وبلىسى
