2021 جىلدىڭ باسىنان بەرى ەلوردا تۇرعىندارى اراسىندا ءجىتى رەسپيراتورلىق ۆيرۋستىق ينفەكتسيالاردىڭ 32 514 جاعدايى تىركەلگەن, ونىڭ ىشىندە 14 جاسقا دەيىنگى بالالار اراسىندا جرۆي-ءدىڭ 15 635 جاعدايى انىقتالدى.
«سوڭعى اپتادا 1054 ادام اۋىرىپ قالدى, ونىڭ ىشىندە 14 جاسقا دەيىنگى بالالار – 531, 1 جاسقا دەيىنگى بالالار – 75. الدىڭعى اپتامەن سالىستىرعاندا 32%-عا ءوسۋ بايقالادى (وتكەن اپتادا – 714 جاعداي). جرۆي-مەن سىرقاتتانۋشىلىقتىڭ اپتالىق كورسەتكىشى باقىلاۋ دەڭگەيىنەن اسپايدى. 2020-2021 جج. سوڭعى ەپيدەميالىق ماۋسىمدا 25 252 جاعداي تىركەلدى, ونىڭ ىشىندە 59,7% نەمەسە 15 090 جاعداي بالالارعا تيەسىلى», – دەپ حابارلادى جاننا پىراليەۆا.
سونىمەن قاتار, ونىڭ ايتۋىنشا, سوڭعى ەپيدەميالىق ماۋسىمدا جانە 2021 جىلدىڭ قازىرگى كەزەڭىندە تۇماۋ جاعدايلارى تىركەلگەن جوق.
ماۋسىمدىق تۇماۋ ەپيدەمياسى كۇزگى جانە قىسقى ايلاردا اۋرۋدىڭ, اۋرۋحاناعا جاتقىزۋدىڭ جانە ءولىمنىڭ ايتارلىقتاي وسۋىنە اكەلۋى مۇمكىن. تۇماۋ ۆيرۋسىنان تۋىنداعان ينفەكتسيا ادەتتە قالىپتى جانە اسقىنباعان تۇردە جۇرسە دە, ول اۋىر اۋرۋعا اكەلۋى مۇمكىن, اسىرەسە ەگدە جاستاعى ادامداردا, جۇكتى ايەلدەردە, ىلەسپە مەديتسينالىق جاعدايلارى بار ادامداردا جانە جاس بالالاردا.
«الداعى ەپيدەميالىق ماۋسىمدا كۇزگى جانە قىسقى ايلاردا جالعاسىپ جاتقان COVID-19 پاندەمياسىنداعى تۇماۋ ۆيرۋسىنىڭ اينالىمى اۋىر زارداپتارعا اكەلۋى مۇمكىن جانە اۋرۋ ارالاس ينفەكتسيامەن (تۇماۋ + COVID-19) اسقىنۋى مۇمكىن. تۇماۋدىڭ الدىن-الۋدىڭ ناقتى ءادىسى – ۆاكتسيناتسيا. ەگەر ۋاقىتىندا ۆاكتسيناتسيالانعان بولساڭىز, ءتىپتى تۇماۋ ۆيرۋسىن جۇقتىرعان بولساڭىز دا, ءسىز اۋرۋدىڭ اۋىر اعىمىنان جانە ودان ءارى مۇمكىن اسقىنۋلاردان ارىلاسىز», – دەپ اتاپ ءوتتى ول.
تۇماۋعا قارسى ۆاكتسيناتسياعا جەدەل فەبريلدى جاعدايلار, سوزىلمالى اۋرۋلاردىڭ ءورشۋ كەزەڭى, تاۋىق اقۋىزىنا اللەرگيالىق رەاكتسيالاردىڭ بولۋى جانە انامنەزىندە باسقا تۇماۋ ۆاكتسينالارى جاتادى.
سونىمەن قاتار, ەلوردانىڭ باس سانيتارلىق دارىگەرىنىڭ ورىنباسارى تۇماۋعا قارسى ۆاكتسيناتسيادان بولەك, اۋرۋدان قورعانۋ جانە الدىن الۋ ءادىسى – ادامدار كوپ جينالاتىن جەرلەرگە بارۋدى شەكتەۋ, قوعامدىق ورىنداردا كەمىندە 1-2 مەتر قاشىقتىقتى ساقتاۋ, ءۇي-جايلاردى ءجيى جەلدەتۋ, دارۋمەندەردى قولدانۋ ەكەنىن ەسكە سالدى.
