جىل سايىن 15 قىركۇيەكتەن 15 قاراشاعا دەيىن ەلىمىزدە العاشقى مەديتسينالىق-سانيتارلىق كومەك ۇيىمدارىنا ازاماتتاردىڭ ەركىن تىركەلۋى جۇرگىزىلەدى.
سونىمەن قاتار, 15 قىركۇيەكتەن باستاپ حالىقتىڭ دەنساۋلىعىن قورعاۋدىڭ ماڭىزدى پروتسەدۋراسى – تۇماۋعا قارسى ۆاكتسيناتسيا ناۋقانى دا باستالادى.
«حالىقتى مساك ۇيىمدارىنا تىركەۋ الگوريتمى بويىنشا حاباردار ەتكىم كەلەدى», دەدى تيمۋر مۇراتوۆ اكىمدىكتە وتكەن بريفينگ بارىسىندا.
ونىڭ ايتۋىنشا, جەكە تۇلعالاردى مساك ۇيىمدارىنا بەكىتۋ العاشقى بۋىنداعى مەديتسينالىق كومەك كورسەتۋ ءۇشىن نەگىز بولىپ, كەلەسى قاعيداتتاردا جۇزەگە اسىرىلادى:
- وتباسىلىق قىزمەت كورسەتۋ قاعيداتى;
- مساك-تىڭ اۋماقتىق قولجەتىمدىلىگى;
- مساك-تىڭ اۋماقتىق قولجەتىمدىلىگى شەگىندە مەديتسينالىق ۇيىمدى ەركىن تاڭداۋ;
- ناۋقاستىڭ مەديتسينالىق كومەك ساپاسىنا قاناعاتتانۋى.
