يسپانيانىڭ عىلىم جانە يننوۆاتسيا ءمينيسترى ديانا مورانت Hipra فارماتسەۆتيكالىق كومپانياسى جاساعان ۆاكتسينانى قولدانۋ كەلەسى جىلدىڭ باسىندا باستالۋى مۇمكىن دەپ مالىمدەدى. ونىڭ ايتۋىنشا, بۇگىندە وندىرىسكە دايىندىق پروتسەسى ويداعىداي ءجۇرىپ جاتىر.
مورانت بۇل پرەپاراتتى ساپالى دەپ اتاپ, كوروناۆيرۋستىڭ ءار ءتۇرلى شتامدارىن ەسكەرە وتىرىپ جاسالعانىن جانە ولارعا قارسى جاقسى ناتيجە كورسەتەتىنىن ايتادى.
Hipra كومپانياسى ۆەتەرينارلىق سالادان شىعىپ, ادامدارعا سovid-19 پاندەمياسىنىڭ سالدارىن جەڭىلدەتۋ ءۇشىن ءدارى-دارمەكتەر مەن ۆاكتسينالار شىعارۋعا قايتا باعىتتالعانىن اتاپ ءوتتى. ونىڭ كوروناۆيرۋستىق ۆاكتسيناسى رەكومبينانتتى اقۋىز (rDNA) تەحنولوگياسىن قولدانادى.
قازىر يسپانيادا ەۋروپالىق ءدارى-دارمەك اگەنتتىگى مويىنداعان ۆاكتسينالار قولدانىلادى. ولار: Johnson & Johnson, Moderna, Oxford/AstraZeneca, Pfizer/BioNTech.
