نۇر-سۇلتاندا ەكى بولمەلى پاتەردى 25 ماۋسىم مەن 28 قىركۇيەك ارالىعىندا (28 قىركۇيەكتى قوسا العاندا, بۇرىن 31 تامىزعا دەيىن بولعان) ۆاكتسيناتسيالانعان ازاماتتار ۇتىپ الا الادى. ۇتىس ويىنىنا وسى جىلدىڭ 25 ماۋسىمى مەن 28 قىركۇيەگى ارالىعىندا ۆاكتسينانىڭ ءبىرىنشى كومپونەنتىن العان 18 جاستان اسقان تۇرعىندار قاتىسا الادى.
ەكى بولمەلى پاتەردىڭ ۇتىس ويىنى تىكەلەي ەفيردە وتەدى.
ەسكە سالا كەتەيىك, ەلوردا اكىمدىگى اپتا سايىن ۆاكتسينا العاندار اراسىندا iPhone12 جانە باسقا دا قۇندى سىيلىقتاردىڭ ۇتىس ويىنىن وتكىزدى. سونىمەن, يممۋنداۋدان وتكەندەر اراسىندا سوڭعى ۇلگىدەگى iPhone 12 تەلەفونىنىڭ 19 داناسى, 6 توڭازىتقىش, 4 تەلەديدار, 2 پلانشەت, 4 ميكروتولقىندى پەش, 5 پرينتەر, 2 بەينەتىركەگىش, كىر جۋعىش ماشينالار, اليسا اقىلدى كولونكاسى, اۋا ىلعالداندىرعىش جانە ت.ب. ويناتىلدى.
بۇدان باسقا, ەكپە العاندار اراسىندا باعالى جۇلدەلەردىڭ ۇتىس ويىنىن ۆاكتسيناتسيا پۋنكتتەرى ورنالاسقان سوو جانە ءسۇ وتكىزدى.
ۆاكتسيناتسيا ءسىزدىڭ دەنساۋلىعىڭىزدى دا, جاقىندارىڭىز بەن اينالاڭىزداعى ادامداردىڭ دەنساۋلىعىن دا قورعايدى. ويتكەنى, باستى ماقسات – ۇجىمدىق يممۋنيتەتتى دامىتۋ جانە كارانتينگە دەيىنگى رەجيمگە ورالۋ.
