سپورت • 14 قىركۇيەك، 2021

قازاقستاندىق ۆولەيبولشىلار ءۇش ويىندا ويسىراي ۇتىلدى

23 رەت كورسەتىلدى

جاپونيانىڭ تيبا قالاسىندا ءوتىپ جاتقان ازيا چەمپيوناتىندا قازاقستاننىڭ ەرلەر قۇراماسى تىم سۇرەڭسىز ونەر كورسەتۋدە، دەپ جازادى Egemen.kz.

كەزىندە سپورتتىڭ بۇل ءتۇرى ەلىمىزدە كەرەمەت قارقىنمەن دامىعانىن جانكۇيەرلەر جاقسى بىلەدى. ەرتەرەكتە ەرلەر سايىسىندا الماتىنىڭ «بۋرەۆەستنيگى» كسرو-نىڭ ەڭ ۇزدىك كومانداسى اتانىپ قانا قويماي، ەۋروپا چەمپيوندار كۋبوگىن ەكى مارتە ولجالادى. توقسانىنشى جىلداردىڭ باسىندا الاتاۋ باۋرايىندا جاساقتالعان «ازامات» كلۋبى سارى قۇرلىقتاعى ەڭ مىقتى ۇجىمداردىڭ ءبىرى بولدى. ەلىمىزدىڭ ۇلتتىق كومانداسى ازيا چەمپيوناتىندا ەكى رەت كۇمىس مەدالدى يەلەندى. 

ال بۇگىنگى جاعدايىمىز وتە مۇشكىل. كۇن شىعىس ەلىندە ءوتىپ جاتقان جارىستا جەرلەستەرىمىز ءۇش ويىندا دا ويسىراي ۇتىلىپ، ءوز كورەرمەندەرىن جەرگە قاراتتى. العاشقى ەكى كەزدەسۋدە تايپەي مەن وڭتۇستىك كورەياعا ەسە جىبەرسەك، كەشە ساۋد ارابياسىنا جول بەردىك. ءبىر وكىنىشىتسى، وسى باسەكەلەردىڭ بارلىعىندا 0:3 ەسەبى تىركەلدى. 

D توبىندا سوڭعى ورىندا قالىپ قويعان قازاقستاننىڭ ۆولەيبولشىلارى ەندى سارى قۇرلىقتىڭ وزگە دە وسال كوماندالارىمەن بىرگە 9-18 ورىندار ءۇشىن تالاسادى.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار