جيىندا پاندەميا كەزىندە كوپتەگەن قايىرىمدىلىق جوباسىن ءتيىمدى جۇزەگە اسىرىپ, ەمدەۋ مەكەمەلەرىنە كومەك قولىن سوزعان «سارىباي-سوكولوۆ كەنبايىتۋ وندىرىستىك بىرلەستىگى» اق «جىلدىڭ ۇزدىك ۇيىمى» اتالىمى بويىنشا جەڭىمپاز بولىپ تانىلىپ, كاسىپورىننىڭ پرەزيدەنتى ۆالەري گرينەنكوعا ارنايى گراموتا مەن مۇسىنشە تابىس ەتىلدى.
وڭىردە ىندەت ءورشىپ تۇرعان كۇردەلى كەزەڭدە ىرگەلى كاسىپورىن كوپتەگەن يگى ءىستى قولعا الىپ, قايىرىمدىلىق اكتسيالارىنا بەلسەندى قاتىستى. بىرقاتار الەۋمەتتىك باعدارلامانى ىسكە اسىرۋعا ۇيىتقى بولىپ, كارانتين كەزىندە تۇرمىسى قيىنداعان ازاماتتاردى قولداۋعا باعىتتالعان «ەل تىرەگى – ەلباسى» اكتسياسىنا بەلسەنە قاتىستى.
– ءبىز اتالعان اكتسيا اياسىندا مىڭداعان مۇقتاج جانعا ازىق-ت ۇلىك سەبەتىن جەتكىزدىك. جالپى, ERG كاسىپورىندارى وزدەرى ورنالاسقان وڭىرلەردە كومەككە مۇقتاج جاندارعا 11 مىڭعا جۋىق ازىق-ت ۇلىك سەبەتىن تابىستادى. ولاردىڭ ىشىندە ءبىزدىڭ بىرلەستىك دايىنداعان 2 مىڭنان استام ازىق-ت ۇلىك جيىنتىعى بار. بۇدان بولەك سسكوب ۇجىمى بالالار ءۇيى مەن سابيلەر ۇيىنە تۇراقتى تۇردە كومەك كورسەتىپ كەلەدى. «دونور كۇندەرىن» ءجيى ۇيىمداستىرادى. تەك وسى جىلدىڭ وزىندە ءبىزدىڭ 200 كەنشى 90 ليتردەن استام قان تاپسىردى. سونداي-اق كاسىپورىن «تۇركىستان-ءسىبىر ماگيسترالىنىڭ 90 جىلدىعىنا وراي ءسوس ءۇشىن چەللەندج», «قارتتار كۇنى», « ۇلى وتان سوعىسى ارداگەرلەرىن جەڭىس كۇنىمەن قۇتتىقتاۋ», «ناۋرىز – يگى ىستەر ايى» جانە تاعى باسقا كوپتەگەن قايىرىمدىلىق ءىس-شاراسىنا سوڭعى ءبىر جىلدىڭ ىشىندە شامامەن 92 ملن تەڭگە قارجى جۇمسادى, – دەدى «سسكوب» اق پرەزيدەنتى ۆ.گرينەنكو.
«جومارت جۇرەك» جىل سايىن الەۋمەتتىك سالانىڭ دامۋىنا مول قارجى جۇمساپ, قايىرىمدى ىسىمەن ەرەكشەلەنگەن كاسىپورىندارعا تابىس ەتىلەدى. اتالعان سىيلىق وسىدان ءۇش جىل بۇرىن اقپارات جانە قوعامدىق دامۋ مينيسترلىگىنىڭ باستاماسىمەن ەلىمىزدە قايىرىمدىلىق قىزمەتىن دامىتۋعا ەلەۋلى ۇلەس قوسقانداردى ىزدەستىرۋ جانە كوتەرمەلەپ, ىنتالاندىرۋ ماقساتىندا بەرىلە باستادى.
قوستاناي وبلىسى,
رۋدنىي قالاسى
