2021 جىلدىڭ 1 قاڭتارىنان باستاپ قازاقستاندا جالپىعا بىردەي دەكلاراتسيانى ەنگىزۋدىڭ ءبىرىنشى كەزەڭى باستالدى. ول ءتورت كەزەڭنەن تۇرادى.
ء«بىرىنشى كەزەڭدە اكتيۆتەر مەن مىندەتتەمەلەر تۋرالى دەكلاراتسيانى ۇسىنۋ بويىنشا مىندەتتەمەلەر جاۋاپتى مەملەكەتتىك لاۋازىمدى اتقاراتىن ادامدار مەن ولاردىڭ جۇبايلارى (زايىپتارى); مەملەكەتتىك فۋنكتسيالاردى ورىنداۋعا ۋاكىلەتتىك بەرىلگەن ادامدار مەن ولاردىڭ جۇبايلارى (زايىپتارى); مەملەكەتتىك فۋنكتسيالاردى ورىنداۋعا ۋاكىلەتتىك بەرىلگەن ادامدارعا تەڭەستىرىلگەن ادامدار مەن ولاردىڭ جۇبايلارى (زايىپتارى); قازاقستان رەسپۋبليكاسىنىڭ «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭىنا جانە قازاقستان رەسپۋبليكاسىنىڭ «سىبايلاس جەمقورلىققا قارسى ءىس-قيمىل تۋرالى», «قازاقستان رەسپۋبليكاسىنداعى بانكتەر جانە بانك قىزمەتى تۋرالى», «ساقتاندىرۋ قىزمەتى تۋرالى», «باعالى قاعازدار نارىعى تۋرالى» زاڭدارىنا سايكەس دەكلاراتسيا تابىس ەتۋ مىندەتى جۇكتەلگەن تۇلعالاردا تۋىندادى», دەپ حابارلادى مكك-دە.
ءبىرىنشى كەزەڭىنىڭ دەكلاراتسياسىن قاعاز تۇرىندە ۇسىنۋ مەرزىمى 2021 جىلعى 15 شىلدەدە اياقتالعان. ەلەكتروندى تۇردەگى دەكلاراتسيا 2021 جىلعى 15 قىركۇيەگىنە دەيىن جالعاسادى.
«اكتيۆتەر مەن مىندەتتەمەلەر تۋرالى دەكلاراتسيانى ەلەكتروندى تۇردە سالىق تولەۋشىنىڭ كابينەتى (cabinet.salyk.kz), «ەلەكتروندى ۇكىمەت» پورتالى (egov.kz) ارقىلى, سونداي-اق «e-Salyq Azamat» جانە «eGov mobile» ءموبيلدى قوسىمشالارى ارقىلى تاپسىرۋعا جاعداي جاسالعان. «اكتيۆتەردى دەكلاراتسيالاۋعا قاتىستى سۇراقتار تۋىنداعان جاعدايدا مەملەكەتتىك كىرىستەر ورگاندارىنا نەمەسە 1414 ءنومىرى بويىنشا, قوسىمشا 3 ءنومىرىن تەرە وتىرىپ, بايلانىس ورتالىعىنا حابارلاسۋعا بولادى», دەپ جازىلعان حابارلامادا.
سونداي-اق, قر قم مەملەكەتتىك كىرىستەر كوميتەتىنىڭ رەسمي سايتىندا (kgd.gov.kz) «جالپىعا بىردەي دەكلاراتسيالاۋ» بولىمىندە تولىق اقپاراتتى الۋعا بولادى.
ۆەدومستۆونىڭ جازۋىنشا, اكتيۆتەر مەن مىندەتتەمەلەر تۋرالى دەكلاراتسيانى بەلگىلەنگەن مەرزىمدە ۇسىنباعان جاعدايدا, اكىمشىلىك جاۋاپكەرشىلىك كوزدەلگەن.ء بىرىنشى رەت ۋاقىتىلى تاپسىرىلماعانى ءۇشىن ەسكەرتۋ جاسالادى, ەگەر وسىدان كەيىن ءبىر جىل ىشىندە قايتالانسا 15 اەك مولشەرىندە ايىپپۇل سالىنادى.
«اكتيۆتەر مەن مىندەتتەمەلەر تۋرالى دەكلاراتسيادا تولىق ەمەس, انىق ەمەس مالىمەتتەردى ۇسىنۋ ءۇشىن دە اكىمشىلىك جاۋاپكەرشىلىك قاراستىرىلعان. ەگەر اتالعان بۇزۋشىلىق ءبىرىنشى رەت جاسالىپ, سالىقتاردىڭ ەسەپتەلۋىنە اكەپ سوقپاسا, وندا ەسكەرتۋ جاسالادى. ال ەگەر وسىنداي بۇزۋشىلىق ەسكەرتۋ جاسالعاننان كەيىن ءبىر جىل ىشىندە قايتالانسا, وندا 3 اەك مولشەرىندە ايىپپۇل سالىنادى», دەپ ەسكەرتەدى مكك.
