جولداۋدا پاندەميادان كەيىنگى كەزەڭدەگى دامۋدىڭ ۇلتتىق جوسپارىنا, ۇلتتىق جوبالاردى بەكىتۋگە, ەكونوميكاعا تىكەلەي ينۆەستيتسيا تارتۋ سەكىلدى ەكونوميكالىق دامۋ مەن جاپپاي سپورتپەن اينالىسۋعا, سپورتتىق ينفراقۇرىلىمدى جاقسارتۋعا, دەنساۋلىق ساقتاۋ جۇيەسىنىڭ ساپاسىن ارتتىرۋعا باسىمدىق بەرىلدى.
سونداي-اق ساپالى ءبىلىم بەرۋگە قاتىستى پەداگوگيكالىق ماماندىقتارعا تۇسەتىن تۇلعالاردىڭ ورتاشا كورسەتكىشى جوعارىلادى. مۇعالىمدەردى قولداۋ ساياساتى ودان ءارى جۇزەگە اسىرىلىپ, وقۋ باعدارلامالارىنىڭ زاماناۋي بولمىسقا بەيىمدەلۋىن قامتاماسىز ەتۋ كەرەك. ۇلتتىق تەلەكوممۋنيكاتسيالىق جەلىنىڭ جەتكىلىكسىزدىگى دە اتاپ كورسەتىلدى. الەۋمەتتىك جاعىنان ءالسىز وتباسىنان شىققان بالالاردى قولداۋدى كۇشەيتۋ مەن ءبىلىمنىڭ قولجەتىمدى جانە ينكليۋزيۆتى بولۋ كەرەكتىگى, «تسيفرلى مۇعالىم» جوباسىن ەنگىزىپ, بىلىكتىلىكتى ارتتىرۋ جۇيەسىن جاقسارتۋ جايى ايتىلدى.
مەملەكەت باسشىسى قاسىم-جومارت توقاەۆتىڭ حالىققا جولداۋى وتاندىق ءبىلىم بەرۋ مەن عىلىمدى دامىتۋدىڭ جاڭا كەزەڭىنىڭ ميسسياسى مەن ستراتەگياسىن دا ايقىنداپ بەردى. ماسەلەن, عىلىمعا بولىنەتىن گرانتتاردى جۇزەگە اسىرۋدىڭ مەرزىمىن ءۇش جىلدان بەس جىلعا ۇزارتۋ عىلىمي ناتيجەلەر مەن جەتىستىكتەردىڭ ساپاسىن ارتتىراتىنى ءسوزسىز.
پەداگوگيكالىق قىزمەتكەرلەردىڭ كاسىبي بىلىكتىلىكتەرىن كوتەرۋ مەرزىمى ناقتىلاندى جانە ولاردىڭ موتيۆاتسياسىنىڭ جوعارى بولۋ قاجەتتىلىگىنە ءمان بەرىلىپ, پەداگوگيكالىق قىزمەتكەرلەردى ىنتالاندىرۋ جولدارى بەلگىلەندى.
وقۋ باعدارلامالارىنىڭ قازىرگى بولمىس شىندىعىنا بەيىمدەلۋىن قامتاماسىز ەتۋ ءبىلىم مازمۇنىنىڭ تاجىريبەگە باعدارلانۋىنا تىكەلەي قاتىستى. پرەزيدەنت ايتقانداي, ءبىلىم بەرۋ تاجىريبەسى مەن مامان دايارلاۋ ۇدەرىسىنىڭ ءوزارا كىرىگۋ تەتىكتەرىن جەتىلدىرۋ كەرەك.
تەگىن تەحنيكالىق-كاسىپتىك ءبىلىم بەرۋگە جانە قاشىقتان وقىتۋ فورماتىنا قولجەتىمدىلىكتى قامتاماسىز ەتۋ تەتىكتەرىن ازىرلەۋدىڭ دە ماڭىزى زور.
ءمارزيا اسىلبەكوۆا,
ل.ن.گۋميلەۆ اتىنداعى ەۇۋ دوتسەنتى
