50 جاستان اسقان ۆولەيبولشىلار سايىسىنا بارلىعى 21 كوماندا قاتىستى. جەرلەستەرىمىز ە توبىندا ونەر كورسەتىپ, ءبىرىنشى ورىندى يەلەندى. بۇل رەتتە ءبىزدىڭ كوماندا جەرگىلىكتى «ەرماك», ۋدمۋرتيانىڭ «ۆوتكينسك» جانە ماسكەۋدىڭ «رۋس»كلۋبتارىن ويسىراتا ۇتتى. شيرەك فينالدا «الماتى» قيىر شىعىستان كەلگەن «حاباروۆسكىنى»قاپى قالدىردى. بۇل ويىنداردىڭ بارلىعىندا 2:0 ەسەبى تىركەلدى. جارتىلاي فينالدا كراسنوداردىڭ «وتدۋشيناسىمەن» كەزدەستىك. جەرگىلىكتى جانكۇيەرلەر ءوز كومانداسىنا بارىنشا قولداۋ كورسەتكەنىنە قاراماستان قازاقستاندىق ويىنشىلار بۇل جولى دا شەبەرلىكتىڭ شىنايى ۇلگىسىن كورسەءتىپ, 2:1 ەسەبىمەن جەڭىستى قارسىلاسىنىڭ ۋىسىنان جقلىپ اكەتتى.
فينالدىق سايىستا «الماتىنىڭ» جولى رەسەيدىڭبىرنەشە دۇركىن چەمپيونى, كوپتەگەن حالىقارالىق جارىستاردىڭ جەڭىمپازى دەگەن اتاعى بار, كىل مىقتىلاردان جاساقتالاعان «كوسترومامەن» قيىستى. ءداپ وسى كلۋبتى بيىل جەرلەستەرىمىز سانكت-پەتەربۋرگتە وتكەن تۋرنيردە جەڭگەن بولاتىن. بىراق بۇل جولى ۆولگا وزەنىنىڭ جاعالاۋىنان كەلگەن ويىنشىلاردىڭ مەرەيى ۇستەم بولدى. ەسەپ – 2:0. وسىلايشا, «الماتى» كراسنودار ولكەسى ساپارىنان كۇمىس مەدالمەن ورالدى.
– «الماتى» كلۋبى ارداگەرلەر اراسىندا وتەتىن كوپتەگەن تۋرنيرلەردە ونەر كورسەتىپ, اركەز ەلەۋلى تابىستارعا قول جەتكىزىپ جۇرگەنىن وزدەرىڭىز دە جاقسى بىلەسىزدەر. بۇل جولى رەسەيدىڭ اشىق بىرىنشىلىگىندە باس جۇلدە بۇيىرماعانىمەن, كۇمىس مەدالدى قورجىنعا سالدىق. ايتۋلى مەملەكەتتىڭ ءار وڭىرىنەن ەلگەن شەبەر ويىنشىلار جينالعان جارىستا ەكىنشى ورىن الۋدىڭ ءوزى كەرەمەت كورسەتكىش. ءسوز ورايى كەلگەندە, ءبىزءدىڭ ەش الاڭسىز جاتتىعىپ, ءدۇبىرلى دودالارعا ەش كەدەرگىسىز قاتىسۋىمىزعا بارىنشا جاعداي جاساپ, ۇنەمى قولداۋ كورسەتىپ جۇرگەن قازۇازۋ-دىڭ رەكتورى تىلەكتەس ەسبولوۆ مىرزاعا زور العىسىمىزدى بىلدىرەمىز, – دەيدى «الماتى» كلۋبىنىڭ كاپيتانى يگور چەكرۋسكوۆ.
