كەزدەسۋ ەلوردا ۋاقىتىمەن 17.00-دە باستالىپ, «Qazsport» تەلەارناسىنان تىكەلەي ەفيردە كورسەتىلەدى. ەكى كوماندا بۇگىنگە دەيىن 24 مارتە شەبەرلىك بايقاستى. ونىڭ 16-ى «بارىستىڭ» باسىمدىعىمەن اياقتالسا, قالعانىندا رەسەيلىك كلۋبتىڭ مەرەيى ۇستەم بولدى.
ايتا كەتەرلىگى, ەلوردالىق كلۋب اتالعان كوماندامەن وتكىزگەن سوڭعى ءتورت كەزدەسۋدىڭ ۇشەۋىندە قارسىلاسىنان باسىم ءتۇستى.
ەسكە سالساق, اتالعان سايىستىڭ بيىلعى العاشقى ەكى ويىنىندا ەلوردادا 3 قىركۇيەكتە «بارىس» رەسەيدىڭ «سالاۆات يۋلاەۆ» كلۋبىنان 1:5, «مەتاللۋرگ» (ماگنيتوگورسك) كلۋبىنان 1:2 ەسەبىمەن جەڭىلدى.
ودان كەيىن «امۋر» (حاباروۆسك) كومانداسىنان 3:2 ەسەبىمەن باسىم ءتۇستى. قۇرلىقتىق حوككەي ليگاسىنىڭ تۇراقتى كەزەڭى 1 قىركۇيەكتە باستالدى. ول 2022 جىلدىڭ 1 ناۋرىزىندا مارەسىنە جەتەدى. ودان كەيىن ءتۋرنيردىڭ پلەي-وفف ساتىسى باستالادى.
