پاكىستان باسشىسى ەلشىنى تاعايىندالۋىمەن قۇتتىقتاپ, ەكى ەل اراسىنداعى قارىم-قاتىناستاردىڭ جوعارى سەنىمدى دەڭگەيىن جانە ساۋدا-ەكونوميكالىق ىنتىماقتاستىقتى ودان ءارى دامىتۋ, وڭىرارالىق ءوزارا ءىس-قيمىل تۇرعىسىنان پاكىستان مەن قازاقستان اراسىنداعى بايلانىستاردى نىعايتۋدىڭ ماڭىزدىلىعىن اتاپ ءوتتى.
وسىعان بايلانىستى, ا. الۆي اۋعانستانداعى جاعدايدى تۇراقتانۋىنىڭ قاجەتتىگىن جانە پاكىستاننىڭ وعان مۇددەلىلىگىن ايتتى.
ءوز كەزەگىندە, قازاقستان ەلشىسى پاكىستان پرەزيدەنتىنىڭ ءسوزىن قولداي وتىرىپ, نۇر-سۇلتان مەن يسلامابادتىڭ ەكىجاقتى ىنتىماقتاستىقتى ودان ءارى نىعايتۋ قاتىناستارىنداعى ۇستانىمدارى مەن تاسىلدەرىنىڭ ۇقساستىعى تۋرالى مالىمدەدى.
ەكى ەلدىڭ جاقىنداسۋىنا ىقپال ەتەتىن ساۋدا-ەكونوميكالىق سالانى دامىتۋمەن قاتار, مادەني-گۋمانيتارلىق باعىتتىڭ دا ولاردىڭ ماڭىزدى قۇرامداس بولىگى ەكەندىگى تۋرالى پىكىرىمەن ءبولىستى.
سونداي-اق, ە. قىستافين پاكىستان پرەزيدەنتىن قازاقستان پرەزيدەنتى قاسىم-جومارت توقاەۆتىڭ قازاقستان حالقىنا جولداۋىنىڭ نەگىزگى باعىتارىمەن تانىستىردى.
قورىتىندىلاي كەلە پاكىستان پرەزيدەنتى ەلشىگە تابىس تىلەپ, پاكىستان تاراپىنىڭ بەلگىلەنگەن جوسپارلاردى ىسكە اسىرۋدا جان-جاقتى جاردەمدەسۋگە ازىرلىگىن ءبىلدىردى.
