28 قاڭتار، 2014

ەلىمىز ماماندارى ءسۋيتسيدتىڭ الدىن الاتىن قۇرىلعى ويلاپ تاپتى

157 رەت كورسەتىلدى

28 01-Astanaسوڭعى ون جىل ىشىندە قازاقستاندا وزىنە قول جۇمسايتىن جاستاردىڭ سانى شامامەن ءۇش ەسە ارتقان. بۇل تۋرالى «قازاقستان» تەلەارناسى حابارلادى.

وسى سىرقاتتىڭ الدىن الۋ ءۇشىن ەلىمىز ماماندارى «اق سۇڭقار» اتتى امبەباپ پسيحيكالىق-دياگنوستيكالىق اپپارات ويلاپ تاپتى. جالپى، ءسۋيتسيدتىڭ ءوسۋى جونىنەن قازاقستان رەسەي مەن البانيادان كەيىن تۇر. ونىڭ ورىن الۋىنا ءارتۇرلى جاعداي سەبەپ بولاتىن كورىنەدى. ماسەلەن، استانا قالاسىنىڭ تۇرعىنى ايگەرىم شىنتەمىروۆا ءوز-وزىنە قول جۇمساۋعا ەكى رەت ارەكەتتەنگەن. «مەن كوپ اۋىرتپالىق كوردىم، كوپ قيىندىقتارعا ۇشىرادىم. مەكتەپتە وقىپ جۇرگەن كەزدە مەنىڭ وتباسىلىق جاعدايىمدى وقۋشىلار كەلەمەجدەگەن بولاتىن. ونى مەن اتا-اناما دا ايتا المادىم. وسى قاتەلىگىمدى جاستار قايتالاماسا ەكەن»، - دەيدى ول.

جالپى، ءبىز الگىندە اتاپ وتكەن جاڭا قۇرىلعىعا كوپتەگەن باعدارلامالار ەنگىزىلگەن. سول ارقىلى كەيبىر ازاماتتاردا كەزدەسەتىن اۋىتقۋشىلىقتى انىقتاۋعا بولادى. ازىرگە بۇل اپپارات ماڭعىستاۋ مەن وڭتۇستىك قازاقستان وبلىستارىندا بار.

 Ummet.kz cايتىندا جازىلعانداي، سۋيتسيد بۇل ادامنىڭ ءوزىنىڭ «ىشكى بولمىسىنا» جاسالعان اگرەسسيا، ياعني جاۋىزدىق دەپ قاراستىرىلادى. سۋيتسيد دەرتىنە ادەتتە رۋحاني ءالسىز، پسيحيكالىق تۇرعىدان تۇراقسىز ادامدار شالدىعادى. سونداي اق ءوز-وزىنە قول جۇمساۋعا كۇندەلىكتى كۇيزەلىس تۇرتكى بولۋى دا مۇمكىن.

ءار سالا ماماندارى سۋيتسيد وقيعاسى جيiلەۋiنiڭ ءتۇرلi سەبەپتەرiن العا تارتادى. سونىڭ ىشىندە وتباسىلىق تاربيەنiڭ كەمشىن تۇسى، مورالدىق جانە فيزيكالىق زورلىق-زومبىلىق، ەسiرتكi قولدانۋ، جوعارى سىنىپ وقۋشىلارىنىڭ تومەنگi سىنىپ بالالارىنىڭ نامىسىنا تيەتiن ارەكەتتەر جاساۋى نەگىزگى فاكتورعا جاتادى.

سۋيتسيد دەرتىنىڭ ەمى  يماني تاربيەدە. وسى تۇرعىدان الىپ قاراعاندا جاسوسپىرىمدەر وتباسىندا، مەكتەپ قابىرعاسىندا يماني تاربيەگە مۇقتاج.

ءامىرحان الماعانبەتوۆ.

دەرەككوز: «قازاقستان» تەلەارناسى، ummet.kz.

فوتو: «استانا» تەلەارناسى.

 


سوڭعى جاڭالىقتار

ىرىستى ىنتىماقتىڭ ۇيىتقىسى

ەلباسى • بۇگىن، 01:03

ينۆەستيتسيا ءۇشىن تارتىمدى ەل

تاۋەلسىزدىكتىڭ 30 جىلدىعى • بۇگىن، 00:38

كونە مۇرالار – حالىق قازىناسى

رۋحانيات • بۇگىن، 00:12

اتام ايتقان جارىق جۇلدىز

تاۋەلسىزدىكتىڭ 30 جىلدىعى • بۇگىن، 00:04

يراننىڭ تاڭداۋى

ساياسات • كەشە

ۇقساس جاڭالىقتار