28 قاڭتار، 2014

فۋتبول: قازاقستان قۇراماسى (U-21) شيرەك فينالعا شىقتى

138 رەت كورسەتىلدى

football-kaz.jpg-1

وسى كۇندەرى رەسەيدىڭ سانكت-پەتەربۋرگ قالاسىندا ءوتىپ جاتقان دوستاستىق كۋبوگى جولىنداعى جارىستا 21 جاسقا دەيىنگى قازاقستان قۇراماسى توپتىق كەزەڭدە لاتۆيا كومانداسىمەن 0:0 ەسەبىمەن تەڭ ويناپ، شيرەك فينالعا شىقتى. بۇل تۋرالى egemen.kz ءتىلشىسى حابارلادى.

ەندى قازاقستان «س» توبىندا ءۇشىنشى ورىننان تومەن تۇسپەيدى. وسى توپتا جارىسقا ءبىزدىڭ ەلدەن باسقا رەسەيدىڭ ماسكەۋ مەن بەلارۋس قۇرامالارى دا قاتىسۋدا. بۇل كوماندالار بۇگىن ءوزارا كەزدەسىپ، 2:2 ەسەبىمەن تەڭ تارقاستى. بۇعان دەيىن وتانداستارىمىز بەلارۋستەن 1:4 ەسەبىمەن جەڭىلسە، ماسكەۋ كومانداسىن 2:0 ەسەبىمەن ۇتقان بولاتىن. ەندى شيرەك فينالدا قازاقستان قۇراماسى رەسەيمەن كەزدەسەدى. 1/4 فينالدىق ويىندار ۋكراينا-ليتۆا، لاتۆيا-ەستونيا، سانكت-پەتەربۋرگ-بەلارۋس كوماندالارىنىڭ اراسىندا دا وتەدى. تۋرنيرگە بارلىعى 12 كوماندا قاتىسۋدا. سونىڭ ىشىندە رەسەيدەن 21 جاسقا دەيىنگى قۇراماسى، سانكت-پەتەربۋرگ پەن ماسكەۋ كوماندالارى كۇش سىناسۋدا. تمد جانە بالتىق جاعالاۋى ەلدەرىنەن اتالعان مەملەكەتتەردەن باسقا ەستونيا، تاجىكستان، قىرعىزستان، مولدوۆا، ليتۆا قاتىستى. دوستاستىق كۋبوگى جولىنداعى تۋرنير 24 قاڭتاردا باستالدى. تۋرنير 2 اقپان كۇنى اياقتالادى.

دوستاستىق كۋبوگى ءتۋرنيرى تۋرالى تولىق مالىمەتپەن مىنا جەردەن تانىسۋعا بولادى.http://www.com-cup.com/index.php/ru/

داستان كەنجالين.

دەرەككوز: http://www.com-cup.com

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ۇقساس جاڭالىقتار