قىزىلوردالىق پوليتسەيلەر قالا اۋماعىندا «قاراسورا-2021» جەدەل-پروفيلاكتيكالىق ءىس-شاراسىن رەيد جۇرگىزگەن بولاتىن. ناتيجەسىندە ءۇيىنىڭ اۋلاسىندا ەسىرتكى تەكتەس سورا وسىمدىگىن وسىرگەن 62 جاستاعى قالا تۇرعىنى ۇستالىپ, ول ۋاقىتشا ۇستاۋ يزولياتورىنا قامالدى.
«ول كىسىنىڭ اۋلاسىنان 105 ءتۇپ سورا وسىمدىگى تابىلىپ, ايعاق زات رەتىندە تاركىلەدى. ساراپتاما تاعايىندالدى. قورىتىندىعا سايكەس, ول سورا ەسىرتكىسى بولىپ شىقتى. اتالعان ءجايت سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە ەنگىزىلدى. بۇل بويىنشا قر قىلمىستىق كودەكسىنىڭ 300-بابى 2-بولىگىمەن قىلمىستىق ءىس قوزعالدى. قازىرگى تاڭدا وسى ءىس بويىنشا تەرگەپ-تەكسەرۋ امالدارى جۇرگىزىلۋدە», دەپ ءمالىم ەتتى قىزىلوردا وبلىستىق پوليتسيا دەپارتامەنتى.
