«بۇگىنگى تاڭدا سovid-19 كوروناۆيرۋستىق ينفەكتسياسىن ەرەكشە قاۋىپتى اۋرۋ رەتىندە انىقتايتىن ەرەجەنىڭ مەرزىمى ءوتىپ جاتىر», دەپ جازادى Politico باسىلىمى.
وسى ەرەجەنىڭ قولدانىلۋىنىڭ اياقتالۋىمەن بىرگە شەكتەۋلەردى بىرتىندەپ الىپ تاستاۋ تۋرالى كەلىسىم قولدانىسىن توقتاتتى, وعان سايكەس ەلدە قالعان بارلىق شەكتەۋ شارالارىن ساقتاۋ 1 قازاندا كۇشىن جويۋعا ءتيىس بولدى.
«جاڭا ەرەجەلەرگە سايكەس, مەيرامحانالارعا, سپورت زالدارىنا جانە تۇنگى كلۋبتارعا كىرۋ ءۇشىن ەل بويىنشا رۇقسات تالاپ ەتىلمەيدى, Covid-19 جۇقتىرعان اداممەن بايلانىستا بولعان بالالار ەندى بىردەن ۇيگە جىبەرىلمەيدى. كارانتين تەك كوروناۆيرۋسپەن اۋىراتىن ناۋقاستار ءۇشىن جارامدى بولادى. دەنى ساۋ ازاماتتار كەڭسەلەرگە, ال بالالار مەكتەپتەرگە ورالا الادى», دەلىنگەن اقپاراتتا.
بيلىك بارلىق سانيتارلىق شارالاردى 10 قىركۇيەككە دەيىن توقتاتۋدى جوسپارلاپ وتىرعانى تامىز ايىنىڭ سوڭىندا بەلگىلى بولدى. ءتيىستى بيۋللەتەندى دانيانىڭ دەنساۋلىق ساقتاۋ مينيسترلىگى تاراتتى.
كورولدىك دەنساۋلىق ساقتاۋ مينيسترلىگىنىڭ باسشىسى ماگنۋس حوينيك ەلدەگى ۆاكتسيناتسيا دەڭگەيىن وتە جوعارى دەپ باعالادى. دەگەنمەن, ول شەكتەۋلەردى الىپ تاستاعاننان كەيىن, ەگەر ەلدەگى ەپيدەميولوگيالىق جاعداي كەنەتتەن ناشارلاسا, ولارعا قايتا ورالۋى مۇمكىن ەكەنىن مويىندادى.
