تاريح • 10 قىركۇيەك، 2021

سابەڭنىڭ بورىكتەرى

113 رەت كورسەتىلدى

الماتىداعى س.مۇقانوۆتىڭ مۋزەي-ءۇيىنىڭ ەكسپوزيتسياسى­نا اكادەميك-جازۋشىنىڭ بىرنەشە باس كيىمى قويىلعان. سولاردىڭ ءبىرى – قۇندىز بورىك. بورىكتىڭ جيەگى قۇندىز تەرىسىمەن كومكەرىلگەن. توبەسى قارا ءتۇستى ماتامەن، استارى قارا ءتۇستى جىبەك ماتامەن قاپتالعان. ساتىپ الىنعان. ەكىنشىسى – جيەگى بۇلعىن تەرىسىمەن كومكەرىلگەن بورىك. توبەسى قارا ءتۇستى ماتامەن، استارى قارا ءتۇستى قاراكول ەلتىرىسىمەن قاپتالعان. بورىكتىڭ توبەسى ءتورت قيىق، ءار قيىقتىڭ توبەدە تۇيىسەتىن ۇشتارى ءۇش بۇرىش ءتارىزدى بولىپ كەلگەن. قولدان تىگىلگەن.

سابەڭ جازدا باسىنا قا­زاق­تىڭ تاقياسىن، ال قىستا قازاق­تىڭ بوركىن كيىپ جۇرگەن. س.مۇ­قانوۆتىڭ تەك قانا جازۋشى ەمەس، عىلىمي ەڭبەكتەر جازعان عا­لىم ەكەنى دە بەلگىلى. قازاق حال­قىنىڭ ادەت-عۇرپىن، سالت-ءداستۇرىن، كيىمدەرىن زەرتتەپ، ءوزى «قازاق قاۋىمى» دەپ اتاعان ەڭبەگىن جازدى. 1974 جىلى جازۋشى قايتىس بولعاننان كەيىن بۇل ەڭبەگى قىسقارتىلىپ، اتى وزگەرىپ، «حالىق مۇراسى (تاريحتىق جانە ەتنوگرافيالىق شولۋ)» بولىپ جارىق كوردى. تەك قانا 1995 جىلى «قازاق قاۋىمى» دەگەن ات­پەن تولىق نۇسقاسى «سانات» باس­پاسىنان كوپشىلىك وقىرمانعا ۇسىنىلدى، 10 تومدىق تاڭدامالى شىعارمالارىنا (9-توم) ەندى (2020، «قازىعۇرت»، قۇراستىرعان ءا.قايىربەكوۆ).

وسى ەڭبەگىندە: «قازاق حال­قىنىڭ باس كيىمدەرى بورىك، تىماق، قۇلاقشىن، جالباعاي، دەلبەگەي دەپ اتالادى. ءىشى ەل­تىرىدەن نەمەسە اڭ تەرىسىنەن جا­سا­لاتىن، ماتامەن تىستالاتىن بورىك – جازدىڭ كيىمى. تۇلكىنىڭ پۇشپاعىنان جاسالاتىن بورىكتى ارقادا «تاقيا» دەيدى. ايەلدەر­دىڭ جەڭىل، ۇكىلى، ءساندى تاقيا ۇل­گىسى قازاققا تاتاردان كەلگەنگە ۇقسايدى. سەمەي وبلىسىنداعى، اسىرەسە توبىقتى رۋىنداعى قا­زاقتار بورىك ورنىنا «جەكەي» اتا­لاتىن ەلتىرى تىماق كيگەن. ...ق­ازاق «باعىم اۋادى» دەپ باس كيىمدى ەشكىمگە سىيلامايدى» دەگەن مالىمەت بەرەدى.

 

راشيدا وتاروۆا،

س.مۇقانوۆ پەن ع.مۇسىرەپوۆتىڭ ادەبي-مەموريالدىق  مۋزەي كەشەنىنىڭ عىلىمي قىزمەتكەرى

 

سوڭعى جاڭالىقتار

وتكەن تاۋلىكتە 187 ادام ىندەت جۇقتىردى

كوروناۆيرۋس • بۇگىن، 10:40

دوللار ارزاندادى

قارجى • كەشە

ۇقساس جاڭالىقتار