الماتىدا وتكەن قازاقستان بوكس فەدەراتسياسىنىڭ جىلدىق ەسەپ بەرۋ كونفەرەنتسياسىندا ۇلتتىق قۇرامانىڭ جۇمىسىن دامىتۋ ماقساتىندا تاجىريبەلىك قۇراما كوماندا قۇرىلدى. بۇل تۋرالى egemen.kz ءتىلشىسى حابارلادى.
جيىندا بوكس فەدەراتسياسىنىڭ پرەزيدەنتى تيمۋر ق ۇلىباەۆ تاجىريبەلىك قۇراما كوماندانىڭ قۇرىلعانىن جانە وعان جاتتىقتىرۋشى بولىپ بەيجىڭ وليمپياداسىنىڭ چەمپيونى باقىت سارسەكباەۆتىڭ تاعايىندالعانىن مالىمدەدى. «بۇل كوماندا ۇلتتىق قۇرامامىزدىڭ جۇمىسىن ودان ءار جاقسارتۋ ماقساتىندا قۇرىلدى. ونىڭ قۇرامىنا 18 بەن 21 جاس ارالىعىنداعى دارىندى بوكسشىلارىمىز ەنەتىن بولادى. قازىر تاجىريبەلىك قۇراما كوماندا وقۋ-جاتتىعۋ جيىنىن باستاپ كەتتى», دەدى ول. ونىڭ ايتۋىنشا, تاجىريبەلىك كوماندا وتاندىق بوكسشىلاردىڭ ساباقتاستىعىن كۇشەيتۋ ۇشىن ماقساتىندا قۇرىلدى. سونىمەن بىرگە كونفەرەنتسيادا ۇلتتىق قۇرامامىزدىڭ ازيا جانە الەم چەمپيوناتتارىنداعى ناتيجەلەرىنە باعا بەرىلىپ, ايەلدەر بوكسى مەن "استانا ارلاندارى" كومانداسىنىڭ جۇمىسى تۋرالى ماسەلە قارالدى. وسىدان كەيىن بوكس فەدەراتسياسى بيىلعى جىلعا جوسپارىن جاساپ, وسى جىلى تۇركىستان جانە سەمەي قالالارىندا ەكى دەنە شىنىقتىرۋ-ساۋىقتىرۋ امبەباپ سپورت كەشەنىن سالىناتىندارىن مالىمدەدى.
كونفەرەنتسيادا قارالعان ماسەلەلەر تۋرالى كەڭىرەك مىنا جەردەن كورۋلەرىڭىزگە بولادى.http://www.kfb.kz/rus/news/487/
داستان كەنجالين.
دەرەككوز: http://www.kfb.kz
