قوعام • 10 قىركۇيەك، 2021

امانات ارقالاعان «امانات»

35 رەت كورسەتىلدى

قوستانايدا دامۋ ەرەكشەلىگى بار بالالارعا ارنالعان تۇزەتۋ ورتالىعى اشىلدى. «امانات» دەپ اتالاتىن جاڭا كوررەكتسيالىق ورتالىق قازىرشە اقىلى تۇردە جۇمىس ىستەپ جاتىر. بىراق اتا-انالار ءتۇپتىڭ تۇبىندە بالالارىمىز بۇل جەردە تەگىن تاربيەلەنەتىن بولادى دەگەن ۇمىتتە.

ەرەكشە بالالاردى كۇندە­لىك­تى تۇرمىسقا قاجەت قالىپتى داعدىعا ۇيرەتەتىن ورتالىق اشۋ تۋرالى باستاما العاش 2018 جىلى ۇكىمەتتىك ەمەس ۇيىم­داردىڭ وبلىستىق رە­سۋرس­­تىق ورتالىعى وتكىزگەن الەۋ­مەتتىك يدەيا­لار مەن جوبالار جار­مەڭكەسىندە كوتەرىلىپتى. وسى شارادان كەيىن تۋمىسىنان اۋتيزم دەرتىنە شالدىققان بالعىن­داردىڭ اتا-انالارى Stop autism قوعامدىق قورىن قۇرىپ، جەكە جۇمىس بولمەسىن جالعا الىپ، الگى باستامانى ىسكە اسىرۋعا كىرىسكەن. كوپ بو­لىپ كۇش بىرىكتىرىپ، ءۇش جىل بويى ۇزىلمەگەن تاباندى جۇمىستىڭ ناتيجەسىندە ۇلكەن دەربەس عيماراتى بار تۇزەتۋ ورتالىعى پايدا بولدى.

كوررەكتسيالىق ورتالىق ور­نا­لاسقان ءۇش قاباتتى جاڭا عيماراتتى Stop autism قوعام­دىق بىرلەستىگىنىڭ جاناشىرى، قوستانايلىق كاسىپكەر جانات بەرتەباەۆ تۇرعىزىپتى. 20-دان استام تاربيەشى مامان ەڭبەك ەتەتىن ورتالىقتا جەكە جات­تىعۋلار وتكىزۋگە ارنالعان 13 كابينەت بار. مۇندا ءتۇرلى باعىتتا دامىتۋعا ارنالعان 9 توپ جۇمىس ىستەيدى. بۇل توپ­تار­دىڭ ءبىرى داۋن سيندرومى بار بالالارمەن جۇمىس ىستەۋگە ارنالعان.

«قازىر بۇل توپتا 70 بالا بار. الايدا ءبىز بالا سانى بۇ­دان ەكى ەسە كوپ بولسا دا ۇلگەرىپ جۇمىس جۇرگىزە الامىز. قازىر ار­نايى قۇرىلعىلار سانىن كو­بەيتىپ، قوسىمشا ساتىپ الىپ جاتىرمىز. جاقىندا وب­لىستىق كاسىپكەرلىك باس­قار­ما­سى ارقىلى 5 ملن تەڭگەنىڭ گرانتىن ۇتىپ الدىق. بۇل قار­جىنى سەنسورلىق بولمەگە ديداك­تيكالىق ماتەريالدار ساتىپ الۋعا جانە دينا­مي­كالىق دامىتۋ زالىنا قاجەت دۇنيە­لەر­دى الۋعا جۇمساماقپىز»، دەدى ور­­تا­لىق قۇرىلتايشىسى، Stop autism قو­عامد­ىق بىرلەس­تى­گى­نىڭ باسشىسى شىنار جالمۇحا­مەدوۆا.

ورتالىق قازىر ەرەكشە بالالار مەن ولاردىڭ اتا-انالارىنا ارنالعان «ىستىق نان» الەۋمەتتىك بيزنەس-جو­باسىن قولعا الىپ وتىر. جوبا ايا­سىندا جۇمىسسىز ۇيدە وتىرعان اتا-انالاردى كاسىپكە قايتا دايار­لاپ، ناۋبايحانالارعا جۇ­مىس­قا ورنالاستىرۋ كوزدەلگەن.

 

قوستاناي

 

سوڭعى جاڭالىقتار

جەتى ءتۇرلى ءسوز

ادەبيەت • كەشە

انتىنا ادال ازامات

قازاقستان • كەشە

ەلوردا كۇنىنە تارتۋ

تەاتر • كەشە

ۇقساس جاڭالىقتار