28 قاڭتار، 2014

وليمپيادا: قازاقستاننان ەلۋ سپورتشى قاتىسادى

146 رەت كورسەتىلدى

Sochi Olimpiada-28.01

 

استانادا سپورت جانە دەنە شىنىقتىرۋ ىستەرى اگەنتتىگى ەلىمىزدىڭ سوچي وليمپياداسىنا جەڭىپ العان جولداما سانى مەن جارىسقا قاتىساتىن وتانداستارىمىزدىڭ ءتىزىمىن جاريالادى. بۇل تۋرالى egemen.kz ءتىلشىسى حابارلادى.

باق وكىلدەرىمەن كەزدەسۋدە اگەنتتىك توراعاسىنىڭ ورىنباسارى ەلسيار قاناعاتوۆ بيىلعى قىسقى وليمپياداعا قازاقستان قۇراماسىنان جارىستىڭ 10 تۇرىنەن 58 ليتسەنزيا العان 50 سپورتشىنىڭ قاتىساتىنىن مالىمدەدى. سونىمەن بىرگە ول سالىستىرمالى تۇردە 2010 جىلى ۆانكۋۆەردە وتكەن وليمپياداعا ەلىمىزدەن سپورتتىڭ 8 تۇرىنەن 37 وتانداسىمىزدىڭ قاتىسقانىن، سوندىقتان سانى مەن سپورتشىلاردىڭ دايىندىعىنا قاراپ بيىلعى دودادا ساڭلاقتارىمىزدان كەم دەگەندە ەكى مەدالدى كۇتۋگە بولاتىنىن ايتتى. وسىدان كەيىن ول وليمپيادانىڭ اشىلۋ سالتاناتىندا ەلىمىزدىڭ كوك بايراعىن شاڭعى جارىسىندا ونەر كورسەتەتىن سپورتشىمىز ەردوس احماديەۆتىڭ الىپ شىعاتىنىن، ال قازاقستان رەسپۋبليكاسىنىڭ تۋىن كوتەرۋ ءراسىمى رەسمي تۇردە 4 اقپان كۇنى وليمپيادا قالاشىعىندا وتەتىنىن مالىمدەدى.«بيىلعى وليمپيادا ءبىزدىڭ سپورتشىلار، ەلىمىز ءۇشىن ەڭ ماڭىزدى جارىس بولادى. قازىر ۇلتتىق قۇراما وسى ءدۇبىرلى دوداعا تولىعىمەن دايىن دەپ ايتا الامىن. وليمپياداعا قازاقستاننىڭ رەسمي سپورتتىق دەلەگاتسياسى 102 ادام بولىپ بارادى. ونىڭ ىشىندە 50 سپورتشى، 30 جاتتىقىترۋشى مەن سەرۆيسمەندەر، 7 دارىگەر مەن ماسساجيستەر، سپورت تۇرەلرىنەن كوماندانىڭ قىزمەتىن ۇيلەستىرۋ ءۇشىن قۇرىلعان شتابتاعى 5 ادام، ۇلتتىق وليمپيالىق كوميتەت ارقىلى تىركەلگەن 5 جۋرناليست پەن 5 رەسمي لاۋازىم يەلەرى بار،» - دەدى ول.

سونىمەن بىرگە ول سپورتشىلاردىڭ ءتىزىمىن ايتىپ، بيىلعى وليمپياداعا شاڭعى جارىسىنا 10 ادامنىڭ، بياتلوننان وتەتىن سايىسقا دا 10 سپورتشىنىڭ، مانەرلەپ سىرعاناۋ جارىسىنا ەكى ادامنىڭ، فريستايلدىڭ موگۋل تۇىرنەن وتەتىن باسەكەگە 5 سپورتشىنىڭ، فريستايلدىڭ اكروباتيكا جارىسىنا ءتورت  ادامنىڭ، شورت-ترەك پەن كونكيمەن جۇگىرۋ سىنىنا التى سپورتشىدان، تاۋ شاڭعىسى جارىسىنا ءتورت وتانداسىمىزدىڭ قاتىساتىنىن اتاپ ءوتتى. ال ەلىمىز العاش رەت قاتىساتىن سنوۋبورد پەن شانا سپورتىنا ءبىر-ءبىر سپورتشىدان كۇش سىناساتىنىن جەتكىزدى. جالپى، ونىڭ ايتۋىنشا، سپورتشىلارىمىزدىڭ ورتاشا جاسى – 24،3 جاس. سونداي-اق، اگەنتتىك توراعاسىنىڭ ورىنباسارى بيىلعى باسەكەگە 300-گە جۋىق قازاقستاندىقتاردىڭ  تۋريست رەتىندە باراتىنىن اتاپ كورسەتتى.

داستان كەنجالين.

دەرەككوز: قازاقستان رەسپۋبليكاسى سپورت جانە دەنە شىنىقتىرۋ ىستەرى اگەنتتىگى.

سوڭعى جاڭالىقتار

پاگانيني

ونەر • كەشە

وتىز جىلدىققا وي قورىتقان

قازاقستان • كەشە

ۇقساس جاڭالىقتار