28 قاڭتار، 2014

شاكىرتىنىڭ ماڭدايىنا «ەكىلىك» جازعان ۇستاز سوتتالدى

130 رەت كورسەتىلدى

28 01-Soltystukسولتۇستىك قازاقستان وبلىسىندا شاكىرتىنىڭ ماڭدايىنا «ەكىلىك» جازعان ۇستاز جازاعا تارتىلدى. بۇل تۋرالى «قازاقستان» تەلەارناسى حابارلادى.

ەستەرىڭىزدە بولسا، وتكەن جىلى جامبىل اۋدانى باۋمان اتىنداعى ورتا مەكتەپتە الگەبرا ءپانىنىڭ مۇعالىمى قىمبات ءاسىمجانوۆا بارلىق وقۋشىلاردىڭ كوزىنشە 7 سىنىپ وقۋشىسىنىڭ شاشىن تۇبىنەن قيىپ تاستاپ، ماڭدايىنا قالاممەن «ەكىلىك» دەپ جازىپ، وشىرمەۋدى تالاپ ەتكەن بولاتىن. مۇنداي كەلەڭسىزدىكتىڭ ورىن الۋىنا وقۋشىنىڭ كوبەيتۋ كەستەسىن بىلمەگەنى سەبەپ بولعان كورىنەدى. وسىعان بايلانىستى بالانىڭ اتا-اناسى مۇعالىمدى سوتقا بەرىپ، 1 ملن. تەڭگە مورالدىق شىعىن ءوندىرۋدى تالاپ ەتتى. الايدا، ءىستى قاراعان سۋديا ايىپكەردىڭ جۇكتى ەكەنىن ەسكەرىپ، شارتتى تۇردە جازا تاعايىندادى.

«سوتتىڭ شەشىمىمەن وعان شارتتى تۇردە  1،5  جىل باس بوستاندىعىنان ايىرۋ جانە 2 جىل پەداگوگيكالىق جۇمىستارمەن اينالىسۋدان شەكتەتۋ تۋرالى جازا تاعايىندالدى. سۋديا ءىستى قاراۋ بارىسىندا ونىڭ جۇكتىلىگىن، وسىنداي قىلمىسقا ءبىرىنشى رەت بارعانىن جانە جاقسى مىنەزدەمەلەرىن ەسكەردى»، - دەدى وبلىستىق سوتتىڭ ءباسپاسوز حاتشىسى دينارا تولەڭگىتوۆا.

ءامىرحان الماعانبەتوۆ.

دەرەككوز: «قازاقستان» تەلەارناسى.

فوتو: Vesti.ru.

سوڭعى جاڭالىقتار

پاگانيني

ونەر • كەشە

وتىز جىلدىققا وي قورىتقان

قازاقستان • كەشە

ۇقساس جاڭالىقتار