ءىس-شاراعا قحا توراعاسىنىڭ ورىنباسارى - قحا حاتشىلىعىنىڭ مەڭگەرۋشىسى مارات ءازىلحانوۆ, قر اقپارات جانە قوعامدىق دامۋ ۆيتسە-ءمينيسترى سەرىك ەگىزباەۆ, پارلامەنت ءماجىلىسىنىڭ دەپۋتاتتارى, رەسپۋبليكالىق جانە وڭىرلىك ەتنومادەني بىرلەستىكتەردىڭ توراعالارى جانە باسقالار قاتىستى.
دوڭگەلەك ۇستەلگە قاتىسۋشىلار پرەزيدەنت جولداۋىنىڭ نەگىزگى مىندەتتەرىن, قحا-نىڭ ولاردى ىسكە اسىرۋعا قاتىسۋ سۇراقتارىن, سونداي-اق اسسامبلەيانىڭ قوعامدىق كەلىسىم مەن جالپىۇلتتىق بىرلىكتى نىعايتۋ جونىندەگى جۇمىسىن تالقىلادى.
م.ءازىلحانوۆ مەملەكەت باسشىسىنىڭ جولداۋى بىرلىكتى, تاۋەلسىزدىكتى, حالىقتى بىرىكتىرەتىن قۇندىلىقتاردى ساقتاۋ جانە نىعايتۋ قاجەتتىلىگى تۋرالى قوعامعا بەرىلىپ وتىرعان بەلگى ەكەندىگىن اتاپ ءوتتى.
قر اقپارات جانە قوعامدىق دامۋ ۆيتسە-ءمينيسترى س.ەگىزباەۆ مينيسترلىكتىڭ ەتنوسارالىق قاتىناستاردى دامىتۋ جانە ۇيلەستىرۋ جونىندەگى قىزمەتى تۋرالى ەگجەي-تەگجەيلى ايتىپ بەردى.
سپيكەرلەر پرەزيدەنت ءوز جولداۋىندا ءاربىر قازاقستاندىقتىڭ ەلدەگى بەيبىتشىلىك پەن كەلىسىمدى نىعايتۋعا قوسقان ۇلەسى ماڭىزدى ەكەنىن اتاپ ءوتتى.
قاتىسۋشىلاردىڭ پىكىرىنشە, جولداۋ كۇن تارتىبىندەگى الەۋمەتتىك-ەكونوميكالىق جانە ساياسي وزەكتى ماسەلەلەرگە تاجىريبەلىك جاۋاپ بولدى, حالىقتى تولعاندىراتىن وزەكتى ماسەلەلەرگە تىكەلەي جاۋاپ بەردى.
ءىس-شارا قورىتىندىسى بويىنشا قازاقستان حالقى اسسامبلەياسىنىڭ مۇشەلەرى مەن بارلىق قۇرىلىمدارىنىڭ قاتىسۋىمەن مەملەكەت باسشىسىنىڭ جولداۋىن ودان ءارى تۇسىندىرۋگە جانە ءتيىمدى ىسكە اسىرۋعا باعىتتالعان ناقتى ۇسىنىمدار ازىرلەندى.
