28 قاڭتار، 2014

سينەرگيا فورۋم

151 رەت كورسەتىلدى

09 سينەرگيا فورۋمىالماتىدا عىلىم مەن تەحنولوگيالاردىڭ 2030 جىلعا دەيىنگى دامۋ جوسپارى ۇسىنىلدى

الماتى قالاسىنداعى عىلىم ورداسىندا «ۇلتتىق مەملەكەتتىك عى­لى­مي-تەحنيكالىق ساراپتاما ورتا­­لىعى» اق پەن ءبىلىم جانە عى­لىم مينيسترلىگى «سينەرگيا: عى­لىم، بيزنەس جانە قوعامدى ءبى­رىك­تى­رۋ» تاقىرىبىندا القالى جيىن ۇيىمداستىردى.

 

الماتىدا عىلىم مەن تەحنولوگيالاردىڭ 2030 جىلعا دەيىنگى دامۋ جوسپارى ۇسىنىلدى

09 سينەرگيا فورۋمى

الماتى قالاسىنداعى عىلىم ورداسىندا «ۇلتتىق مەملەكەتتىك عى­لى­مي-تەحنيكالىق ساراپتاما ورتا­­لىعى» اق پەن ءبىلىم جانە عى­لىم مينيسترلىگى «سينەرگيا: عى­لىم، بيزنەس جانە قوعامدى ءبى­رىك­تى­رۋ» تاقىرىبىندا القالى جيىن ۇيىمداستىردى.

«سينەرگيا» فورۋمى – عىلىم مەن تەحنولوگيالاردىڭ الەۋەتىن ەل ەكونوميكاسىن بىرىكتىرۋگە جانە ونى الەۋمەتتىڭ وزەكتى ءما­سە­لە­لە­رىنە جۇمىلدىرۋعا با­عىت­­تال­عان عىلىمي ورتا، بيزنەس ارا­سىن­داعى ديالوگ جۇرگىزۋ الا­ڭى. سونىمەن، قا­زاقستاندا عىلىم مەن تەح­نولو­گيالاردى 2030 جىلعا دەيىن­ دامى­تۋ ماسەلەلەرىن تالقى­لاۋ ماق­ساتىندا فورۋمعا 500-گە تار­تا ادام قاتىستى.

فورۋم كەزىندە قازاقستان ءۇشىن ماڭىزدى – ۇلت سالاۋاتتىلىعى، بيوتەحنولوگيالار، جاڭا ماتەريالدار مەن تەحنولوگيالار، اقپارات­تىق جانە كوممۋنيكاتسيالىق تەح­نولوگيالار، اۋىلشارۋاشىلىق سەك­توردىڭ تۇراقتى دامۋى، تاماق ونىمدەرىن وڭدەۋ جانە ولاردىڭ قاۋىپسىزدىگى، ماشينا قۇراستىرۋ سياق­تى 8 باسىم باعىت بويىنشا تۇساۋكەسەرلەر وتكىزىلدى.

فورۋم شەڭبەرىندە قر بعم تاپسىرماسىمەن العاش رەت «ۇمعتسو» اق «جۇيەلى اناليز جانە عىلىمدى بولجامداۋ» جوباسى بويىنشا وتكى­زىلگەن فورسايت-زەرتتەۋلەردىڭ ءناتي­جە­لەرى ۇسىنىلدى. فورسايتتى سترا­تەگيالىق شەشىمدەر قابىلداۋ ءادىس­تەمەسى رەتىندە 1970 جىلداردان باس­تاپ، بۇگىندە تەحنولوگيالىق كوش­باسشىلار قاتارىنا كوتەرىلگەن جاپو­نيا جانە وڭتۇستىك كورەيا ەنگىزە باس­تاعان. ال 2011 جىلدان بەرى عىلىم­دى الدىڭعى قاتار­دا كورسەتۋگە مۇمكىن­دىك بەرە­تىن ترەند­تەردىڭ «الدىن الۋ» ءتاجىري­بەسىن قازاقستان دا يگەردى.

جوبانى ىسكە اسىرۋ ءۇشىن «ۇمعتسو» اق مەملەكەتتىك ورگاندار، زەرتتەۋ ۇيىمدارىنىڭ، «ۇلكەن ءتورت­تىك» كومپانيالارىنىڭ جانە باس­قا دا بەدەلدى كوزدەر مالىمەتتەرىن تال­داۋ بويىنشا وراسان زور جۇمىس اتقا­رىپ وتىر­عانىن ايتا كەتۋگە بولادى. ونى دايىنداۋعا ەلىمىزدىڭ عى­لىمي ۇيىم­دارىنان، اكادەميالىق جانە بيزنەس ورتاسىنان مىڭنان استام وكىلدەر قاتىستى. جوباعا بايلانىستى مانچەستەر ۋنيۆەرسيتەتى (اقش)، KISTEP (وڭتۇستىك كورەيا) جانە فينليانديا اكادەمياسىنان سالالىق تالداۋ جانە جوسپارلاۋ سالاسىنداعى بەلگىلى حالىقارالىق ساراپشىلار كەڭەس بەرگەن.

«ۇلت دەنساۋلىعىن ساقتاۋ­­عا جانە جاقسارتۋعا ىقپال ەتەتىن ەكسپورتقا باعىتتال­عان ەكو­لو­گيا­لىق تازا اۋىلشارۋا­­­شىلىق ونىمدەرى» پانارالىق زەرتتەۋ شەڭبەرىندە ۇسىنىلاتىن شارانىڭ ءبىرى – ءوندىرۋ بارىسىندا ءونىم بىرلىگىنىڭ وزىندىك قۇنىن كەمىندە 30 پايىزعا تومەندەتۋ مۇمكىندىگىن بەرەتىن جاڭا اۋىلشارۋاشىلىق ماشينالار مەن جەردى پايدالانۋعا بەيىمدەلگەن جۇيە نەگىزىندە توپىراق قورعاۋ تەحنولوگيالارىن ەنگىزۋ ۇسىنىلادى.

وعان قوسا «جاسىل» تەحنولوگيالار نەگىزىندە تازا ەكولوگيالىق ورتا» تازارتىلاتىن ونىمدەردەن پايدالى كومپونەنتتەردى الۋمەن سارقىندى سۋدى تازارتۋ جۇيەسىن وڭدەۋ قاجەتتىلىگى اتاپ وتىلگەن.

«قۋاتتىلىعى ءتيىمدى جانە قۋات ۇنەمدەۋ قوعامى» اتتى زەرتتەۋدە «جاسىل» ەنەرگەتيكانى دامىتۋ ءۇشىن قارجىلىق جانە زاڭنامالىق ىنتالاندىرۋ قاجەتتىلىگىنە ەرەكشە نازار اۋدارىلعان.

عىلىمي قاۋىمداستىق ۇسىنعان تەحنولوگيالاردىڭ جالپى سانى 300-دەن اسىپ جىعىلادى جانە ولاردى وڭدەۋ ءۇشىن 500-دەي عىلى­مي تاقىرىپ بويىنشا زەرتتەۋ جۇرگىزۋدى قاجەت ەتەدى. قىسقاسى، فو­رۋمدا ازىرلەنگەن ۇسىنىستار پورت­فەلى ەلىمىزدىڭ 2030 جىلعا دەيىن عىلىمي-تەحنولوگيالىق سالادا دامۋىنا ارنالعان شەشىمدەر شىعارۋ ءۇشىن، ءتيىستى مەكەمەلەرگە ۇسىنىلاتىن بولادى.

ايناش ەسالي،

«ەگەمەن قازاقستان».

الماتى.

سوڭعى جاڭالىقتار

پاگانيني

ونەر • كەشە

وتىز جىلدىققا وي قورىتقان

قازاقستان • كەشە

ۇقساس جاڭالىقتار