ءبىلىم • 09 قىركۇيەك, 2021

جەلىدە تاعى ءبىر جالعان اقپارات تارادى

440 رەت

كورسەتىلدى

1 مين

وقۋ ءۇشىن

قازاقستاندىقتار الاياقتىق جولمەن مەكتەپ وقۋشىلارىن ۆاكتسينالاۋ تۋرالى تاعى ءبىر فەيك تاراتىپ جاتىر, دەپ حابارلايدى Egemen.kz.

دانا مىرزاقادىر

Stopfake.kz پورتالىنىڭ مالىمەتىنشە, قازاقستاندىق اتا-انالار وقۋشىلار قاۋىپسىزدىك تەحنيكاسى بويىنشا نۇسقاۋلىقپەن تانىسىپ, وعان قول قويىپ جاتقانىنا الاڭداۋلى. ەرەجەمەن تانىسۋ دەرەگىن راستاپ, جۋرنالعا قول قويۋ بالا ءۇشىن قاۋىپتى بولۋى مۇمكىن. ولاردىڭ ايتۋىنشا, بالاعا كوروناۆيرۋسقا قارسى ۆاكتسيناتسياعا كەلىسىم قاعازى بەرىلۋى مۇمكىن.

قازاقستان ءبىلىم جانە عىلىم مينيسترلىگى اتا-انا الاڭداۋشىلىعىنا قاتىستى پىكىر ءبىلدىردى. ۆەدومستۆو مالىمەتىنشە, قاۋىپسىزدىك تەحنيكاسى ەرەجەلەرىمەن تانىسقانىن راستايتىن قولتاڭبانى وقۋشىلار جەكە بلانكىگە ەمەس, ارنايى جۋرنالعا قويادى. سونىمەن قاتار, نۇسقاۋلىقپەن تانىستىرۋ وقۋشىلار قۇقىعىن بۇزۋ بولىپ سانالمايدى.

«نۇسقاۋلىق وتكىزۋ تۋرالى مىندەتتى تۇردە كىرىسپە تىركەۋ جۋرنالىنا جازىلادى. ءاربىر نۇسقاۋلىق كەزىندە جۋرنالدى تولتىرۋ مىندەتتى سانالادى. بۇل رەتتە جۋرنالداعى جازبالاردا نۇسقاۋشى مەن ءبىلىم الۋشىلار تۋرالى اقپارات, نۇسقاۋلىق وتكىزۋ كۇنى مەن تاقىرىبى جانە نۇسقاۋشى مەن وقۋشىلار قولى قويىلعان بولۋى ءتيىس. جۋرنالداعى اقپارات اتا-انا قۇقىعىن بۇزبايدى, ويتكەنى وقۋشىنىڭ قولى ونىڭ ءارتۇرلى جاعدايدا قاۋىپسىز ارەكەت ەتۋ شارالارىمەن تانىس ەكەنىن راستايدى», دەپ ءتۇسىندىردى ۆەدومستۆو وكىلدەرى.