«قازىر ساناقتان وتكەندەر سانى بويىنشا ەكى مەگاپوليس, ياعني الماتى مەن نۇر-سۇلتان قالالارى الدا. ال سولتۇستىك قازاقستان جانە اتىراۋ وبلىستارى بۇل كورسەتكىش بويىنشا سوڭعى ورىندا», دەدى بيۋرو باسشىسى.
قازىرگى ۋاقىتتا رەسپوندەنتتەرگە ساناقتان ونلاين رەجيمدە ءوتۋ ءۇشىن بىرنەشە پلاتفورما قاراستىرىلعان: sanaq.gov.kz سايتى, E-Gov پورتالىندا تىركەلۋ جانە Aitu ءموبيلدى قوسىمشاسى. ازاماتتاردىڭ ىڭعايلىلىعى ءۇشىن ساناق بۇرىشتارى ۇيىمداستىرىلدى.
«اۋماقتىق ستاتيستيكا دەپارتامەنتتەرىندە, حالىققا قىزمەت كورسەتۋ ورتالىقتارىندا, كازپوچتا فيليالدارى جانە ءىرى ساۋدا ورتالىقتارىندا ساناق بۇرىشى قاراستىرىلعان. ول جەردە رەسپوندەنتتەرگە ساناقتان ونلاين رەجيمدە وتۋگە ءبىزدىڭ كونسۋلتانتتار كومەك بەرۋدە», دەپ اتاپ ءوتتى بيۋرو باسشىسى.
ۇلتتىق ستاتيستيكا بيۋروسى ازاماتتاردى ونلاين ساناقتان وتۋگە شاقىردى: sanaq.gov.kz سايتى 15 قازانعا دەيىن تاۋلىك بويى قولجەتىمدى بولماق. ونلاين ساناقتان وتپەگەندەر 1-30 قازان ارالىعىندا ينتەرۆيۋەرلەردىڭ ساۋالدارىنا جاۋاپ بەرە الادى.
