28 قاڭتار، 2014

اينۇر الەمدىك سىناقتا جەڭىمپاز اتاندى

147 رەت كورسەتىلدى

01-نازارباەۆ مەكتەبى سۋرەت 1سەمەيدەگى فيزيكا-ماتەماتيكا باعىتىنداعى نازارباەۆ زياتكەرلىك مەكتەبى ءبىلىم بەرۋدىڭ حالىقارالىق ستاندارتتارىنا كوشۋدە وڭ جەتىستىكتەرگە قول جەتكىزۋدە. تالاپتى شاكىرتتەر عالامتور ارقىلى جاھاننىڭ ءار تۇكپىرىمەن بايلانىس ورناتىپ، ءدارىس تىڭداپ، ءتىپتى، ەمتيحان دا تاپسىرۋعا قول جەتكىزىپ وتىر. ايتالىق، جۋىردا عانا اتالمىش ءبىلىم ورداسىنىڭ ەكى وقۋشىسى الەم بويىنشا وتكەن SAT تەستىلەۋىنە قاتىسىپ، جەڭىمپاز اتاندى.

 

سەمەيدەگى فيزيكا-ماتەماتيكا باعىتىنداعى نازارباەۆ زياتكەرلىك مەكتەبى ءبىلىم بەرۋدىڭ حالىقارالىق ستاندارتتارىنا كوشۋدە وڭ جەتىستىكتەرگە قول جەتكىزۋدە. تالاپتى شاكىرتتەر عالامتور ارقىلى جاھاننىڭ ءار تۇكپىرىمەن بايلانىس ورناتىپ، ءدارىس تىڭداپ، ءتىپتى، ەمتيحان دا تاپسىرۋعا قول جەتكىزىپ وتىر. ايتالىق، جۋىردا عانا اتالمىش ءبىلىم ورداسىنىڭ ەكى وقۋشىسى الەم بويىنشا وتكەن SAT تەستىلەۋىنە قاتىسىپ، جەڭىمپاز اتاندى.

01-نازارباەۆ مەكتەبى سۋرەت 1

بۇل سىناققا الەمنىڭ 175 مەملەكەتىنەن ءبىر مىڭنان اسا جوعارى سىنىپ وقۋشىلارى قاتىسىپتى. وعان سەمەيدەگى نازارباەۆ زياتكەرلىك مەكتەبىنەن 7 وقۋشى قاتىسىپ باق سىناعان ەدى. ولاردىڭ اراسىنان 12-سىنىپتا وقيتىن جاس ماتەماتيك اينۇر ماشپيەۆانىڭ باعى جاندى. قولدانبالى عىلىمعا جانى قۇشتار اينۇر قويىلعان 50 سۇراققا 100 پايىز دۇرىس جاۋاپ بەرىپ، ەڭ جوعارى كورسەتكىش 800 باللدى قينالماي جينادى. ال ونىڭ سىنىپتاسى اقگۇل كەنجەشەۆا بولسا 710 بالل الدى. بۇل دا جوعارى كورسەتكىش. سەبەبى، بارلىق قاتىسۋشىلاردىڭ تەك 10 پايىزى عانا ۇزدىكتەر قاتارىنا ىلىنگەن. اعىلشىن تىلىندە وتكەن تەستى­­­­­لەۋگە قوس وقۋشىنى ماتەماتيكا ءپانى­نىڭ مۇعالىمى شەتەلدىك مايكل مالۋچي دايىنداپتى. – ەمتيحاننىڭ سۇراق­تارى ءدال تەستىلەۋ وتكىزىلەتىن كۇنى اقش-تان ەلەكتروندى پوشتا ارقىلى كەلدى. ياعني، بايقاۋ الەمنىڭ 175 ەلىندە ءبىر كۇن، ءبىر ساعاتتا وتكىزىلدى، – دەيدى اينۇر مەن اقگۇلدىڭ باپكەرى. بۇل جەڭىستىڭ اينۇر ءۇشىن ورنى ەرەكشە. ول ەندى الەمنىڭ ەڭ تاڭداۋلى وقۋ ورىندارى گرانتىنىڭ يەگەرى. تاڭداۋى بويىنشا گارۆارد، وكسفورد پەن كەمبريدجدە ءبىلىم الا الادى. بۇل جايىندا پىكىر بىلدىرگەن اينۇر: – ينجەنەرلىك سالانىڭ بىلگىر مامانى اتانعىم كەلەدى. سەبەبى، يندۋستريادان يننوۆاتسياعا كوشكەن ەلىمىزدە ينجەنەرلىك سالا ماماندارىنا سۇرانىس جوعارى. تاڭداۋىم بىرەۋ – استاناداعى نازارباەۆ ۋنيۆەرسيتەتى. ءوز ەلىمدە ءبىلىم الىپ، وتانىمنىڭ وركەندەۋىنە ۇلەس قوسسام دەيمىن، – دەيدى. ونىڭ قۇربىسى اقگۇل دە وسى ۋنيۆەرسيتەتتىڭ ستۋدەنتى اتانۋدى كوزدەپ وتىر. سەبەبى، «شەتەلدىك ۇزدىك وقۋ ورىندارىنىڭ ايتۋلى پروفەسسورلارى وسىندا ءبىلىم بەرەدى. ءارى حالىقارالىق ستاندارتقا ساي، ساپالى ءبىلىم الۋعا تولىق مۇمكىندىك بار» دەگەن پىكىردە. ايتا كەتەلىك، وتكەن جىلى سەمەيدەگى نازارباەۆ زياتكەرلىك مەكتەبىندە حالىقارالىق SAT تەستىلەۋ ورتالىعى اشىلعان-دى. بۇعان دەيىن مۇنداي ورتالىق تەك استانا مەن الماتى قالالارىندا عانا بولعان. ەندى ەلىمىزدىڭ شىعىس ءوڭىرىنىڭ وقۋشىلارى، اۋدان مەكتەپ­­­­تەرىنىڭ تۇلەكتەرى دە سەمەيدە سىناق­­­­تان وتۋگە مۇمكىندىك الدى. بۇل جولعى شارا تۇڭعىش رەت وتكىزىلدى. ناتيجە ويداعىداي. ال بۇگىنگى تاڭدا قاي سالادا بولماسىن شەتەلدە جۇمىس ىستەگىسى كەلەتىندەر SAT ەمتيحانىن تاپسىرۋى مىندەتتى. سەبەبى، ەۋروپا ەلدەرىندە جۇمىسقا قابىلدانۋ ءۇشىن حالىقارالىق تەستىلەۋدىڭ وسى تۇرىنەن ءوتۋ جانە العان باللدىڭ جوعارىلىعى تالاپ ەتىلەدى.

داۋلەت سەيسەن ۇلى،

قۋانىش قوجاەۆ.

سەمەي.

–––––––––

سۋرەتتە: (سولدان وڭعا قاراي) اقگۇل كەنجەشەۆا، مايكل مالۋچي جانە الەمدىك سىناق جەڭىمپازى اينۇر ماشپيەۆا.

سوڭعى جاڭالىقتار

پاگانيني

ونەر • كەشە

وتىز جىلدىققا وي قورىتقان

قازاقستان • كەشە

ۇقساس جاڭالىقتار