28 قاڭتار، 2014

قازاقستاننىڭ تاجىريبەسىمەن تانىستى

131 رەت كورسەتىلدى

قازاقستان رەسپۋبليكاسى ورتالىق سايلاۋ كوميسسياسىنىڭ توراعاسى قۋاندىق تۇرعانقۇلوۆ 2012 جىلعى 9 تامىزدا قول قويىلعان ەكى ەلدىڭ ورتالىق سايلاۋ كوميسسيالارى اراسىنداعى ءوزارا تۇسىنىستىك تۋرالى مەموراندۋمدى ىسكە اسىرۋ شەڭبەرىندە قىرعىز رەسپۋبليكاسىنىڭ سايلاۋ جانە رەفەرەندۋم وتكىزۋ جونىندەگى ورتالىق كوميسسياسىنىڭ توراعاسى تۋيگۋناالى ابدرايموۆپەن كەزدەستى.

 

قازاقستان رەسپۋبليكاسى ورتالىق سايلاۋ كوميسسياسىنىڭ توراعاسى قۋاندىق تۇرعانقۇلوۆ 2012 جىلعى 9 تامىزدا قول قويىلعان ەكى ەلدىڭ ورتالىق سايلاۋ كوميسسيالارى اراسىنداعى ءوزارا تۇسىنىستىك تۋرالى مەموراندۋمدى ىسكە اسىرۋ شەڭبەرىندە قىرعىز رەسپۋبليكاسىنىڭ سايلاۋ جانە رەفەرەندۋم وتكىزۋ جونىندەگى ورتالىق كوميسسياسىنىڭ توراعاسى تۋيگۋناالى ابدرايموۆپەن كەزدەستى.

كەزدەسۋگە، سونداي-اق، قىرعىز­ستان­نىڭ قازاقستانداعى توتەنشە جانە وكىلەتتى ەلشىسى ەسەنگۇل ومىراليەۆ تە قاتىستى. ساپاردىڭ ماقساتى سايلاۋ كوميسسيالارىن قۇرۋ جانە جەرگىلىكتى اتقارۋشى بيلىك ورگاندارىنىڭ باسشىلارىن سايلاۋ بويىنشا قازاقستان تاجىريبەسىمەن تانىسۋ بولدى.

«تاۋەلسىز قىرعىزستان مەن قازاقستان اراسىندا كوپ باعىتتار بويىنشا ءتيىمدى قارىم-قاتىناس جاساۋعا مۇمكىندىك بەرەتىن تاتۋ كورشىلىك، دوستىق قارىم-قاتىناس قالىپتاسقان. سايلاۋ جۇيەسىن دامىتۋ جانە جەتىلدىرۋ سالاسىنداعى تاجىريبە الماسۋ وسى باعىتتاردىڭ ءبىرى بولىپ تابىلادى»، – دەپ اتاپ ءوتتى قۋاندىق تۇرعانقۇلوۆ كەزدەسۋدە. سونىمەن قاتار، ول ءوزى­نىڭ ارىپتەسىن قازاقستان رەسپۋب­ليكاسىنىڭ پرەزيدەنتى ن.ءا.نازارباەۆتىڭ «قازاقستان جولى – 2050: ءبىر ماقسات، ءبىر مۇددە، ءبىر بولاشاق» اتتى قازاقستان حالقىنا جولداۋىنىڭ نەگىزگى قاعيدالارى تۋرالى، قازاقستاندا وتكەن جىلعى جازدا وتكەن اۋىل اكىمدەرىن سايلاۋ جونىندە، قازاقستان رەسپۋبليكاسى ورتالىق سايلاۋ كوميسسياسىنىڭ اۋماقتىق، وكرۋگتىك جانە ۋچاسكەلىك سايلاۋ كوميسسيالارىنىڭ جاڭا قۇرامدارىن قۇرۋ جونىندەگى قىزمەتى تۋرالى، سونداي-اق، كوميسسيانىڭ اعىمداعى جىلعى جوسپارلارى تۋرالى اقپاراتتاندىردى.

ەلباسىنىڭ قازاقستان حالقىنا جولداۋىندا قويعان مىندەتتەرى تۋرالى، سونداي-اق، پرەزيدەنت باس­تاما ەتكەن يننوۆاتسيالار جايلى ورتسايلاۋكوم مۇشەسى ءلاززات سۇلەيمەن تولىعىراق ايتىپ بەردى. ال جەرگىلىكتى اتقارۋشى ورگانداردىڭ باسشىلارىن سايلاۋدى ۇيىمداستىرۋ جانە وتكىزۋ بويىنشا قىرعىزستان مەن قازاقستان تاجىريبەسىن تالقىلاۋ شەڭبەرىندە ورتسايلاۋكوم حاتشى­سى باقىت مەلدەشوۆ قازاقستان رەسپۋبليكاسىنىڭ اۋداندىق ما­ڭىزى بار قالالارى، اۋىلدىق وكرۋگ­تەرى، اۋىلدىق وكرۋگتىڭ قۇرامى­نا كىرمەيتىن كەنتتەرى مەن اۋىل­دارى اكىمدەرىن سايلاۋ­ ەرەك­شەلىكتەرىنە تولىعىراق توقتالىپ ءوتتى. ورتسايلاۋكوم مۇشەسى تاتيا­­نا وحلوپكوۆا اۋماقتىق، وكرۋگ­تىك جانە ۋچاسكەلىك سايلاۋ كوميسسيالارىنىڭ جاڭا قۇرام­دا­رىن قۇرۋ بويىنشا جۇرگىزىلىپ جاتقان اعىمداعى ىستەر جايلى حاباردار ەتتى.

قىرعىز رەسپۋبليكاسى سايلاۋ جانە رەفەرەندۋم وتكىزۋ جونىندەگى ورتالىق كوميسسيانىڭ توراعاسى ءوز كەزەگىندە قىرعىزستانداعى مەرلەر مەن جەرگىلىكتى ءوزىن-ءوزى باسقارۋدىڭ اتقارۋشى ورگاندارىنىڭ باسشىلارىن سايلاۋدى وتكىزۋ ءتاجىري­بە­سىمەن ءبولىستى. ول 2014 جىلعى 15 قاڭتاردا وتكەن ەلدەگى ەكى ءىرى قالا – بىشكەك پەن وشتىڭ مەر­لەرىن سايلاۋ، سونداي-اق، قىرعىز­ستان­نىڭ سايلاۋ ورگاندارىن قۇرۋ ەرەك­شەلىكتەرى جونىندە ايتىپ بەردى.

تاراپتار كەزدەسۋدە ەكىجاقتى بايلانىستاردىڭ بۇدان ءارى كەڭەيىپ، نىعاياتىنىنا سەنىمدى ەكەندىكتەرىن ءبىلدىردى. «ءبىزدىڭ ىنتىماقتاستىعىمىز الداعى ۋاقىتتا دا وسىنداي جەمىستى جانە سىندارلى سيپاتتا جالعاساتىنىنا سەنىم بىلدىرەمىن. وڭىرلەر بويىنشا ساپار بارىسىندا ءبىزدىڭ ەلىمىزدىڭ سايلاۋ ورگاندارىنىڭ ناقتى جۇمىسىمەن الداعى تانىسۋ سىزگە ول تۋرالى نەعۇرلىم تولىق جانە شىنايى پىكىر قالىپتاستىرىپ، قازاقستان مەن قىرعىزستان سايلاۋ كوميسسيالارىنىڭ اراسىندا تاجىريبە الماسۋ ۇدەرىسىنىڭ تاعى دا ءبىر كەزەڭى بولاتىنىنا سەنىمدىمىن»، – دەدى ق. تۇرعانقۇلوۆ كەزدەسۋ سوڭىندا.

ءاليسۇلتان قۇلانباي،

«ەگەمەن قازاقستان».

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ۇقساس جاڭالىقتار