الەم • 09 قىركۇيەك، 2021

حوك سولتۇستىك كورەيانى وليمپيادادان شەتتەتتى

69 رەت كورسەتىلدى

حالىقارالىق وليمپيادا كوميتەتى كحدر ۇلتتىق وليمپيادا كوميتەتىنىڭ قىزمەتىن 2022 جىلدىڭ سوڭىنا دەيىن توقتاتتى. بۇل تۋرالى  حوك باسشىسى توماس باح حابارلادى، دەپ جازادى Egemen.kz.

كحدر قۇراماسى 23 شىلدە - 8 تامىز ارالىعىندا وتكەن توكيو وليمپياداسىنا قاتىسقار جوق.

«ويىندارعا تەك كحدر قاتىسقان جوق. ولار جارعىنى بۇزدى، ءوز مىندەتىن ورىندامادى. ءبىز كحدر ۇلتتىق وليمپيادا كوميتەتىنىڭ جۇمىسىن 2022 جىلدىڭ سوڭىنا دەيىن توقتاتۋدى ءجون دەپ شەشتىك. حوك شەتتەتۋ كەزەڭىن قايتا قاراۋ قۇقىعىن وزىنە قالدىرادى»، دەدى باح حوك ءباسپاسوز كونفەرەنتسياسىندا

«كحدر ۋاقىتشا شەتتەتۋ كەزىندە حوك باعدارلامالارىنىڭ قولداۋىنا نەمەسە ورىندالۋىنا ارقا سۇيەي المايدى. ەگەر كحدر سپورتشىلارى ىرىكتەۋ جارىستارىنىڭ ناتيجەسى بويىنشا بەيجىڭ وليمپيادا ويىندارىنا ىرىكتەلسە، حوك اتقارۋشى كەڭەسى ولارعا قاتىستى ءتيىستى شەشىم قابىلدايدى»، دەپ قوستى ول.

بەيجىڭدەگى قىسقى وليمپيادا ويىندارى 2022 جىلدىڭ 4-20 اقپان ارالىعىندا وتەدى.

ەستەرىڭىزگە سالا كەتەيىك، قازاقستان قۇراماسى قىتايدا وتەتىن قىسقى وليمپيادا ويىندارىنا دا قاتىسادى.

سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار