2020 جىلعا قاراي ەلىمىزدە جاڭاراتىن ەنەرگيا كوزدەرى باعىتىندا وتىزدان استام ستانسالار ىسكە قوسىلادى. ۇكىمەت باسشىسىنىڭ ءبىرىنشى ورىنباسارى باقىتجان ساعىنتاەۆتىڭ ايتۋىنشا, 2011 جىلدان بەرى اقمولا, الماتى, جامبىل, قاراعاندى, قوستاناي جانە سولتۇستىك قازاقستان وبلىستارىندا وسى باعىتتا جۇمىستار جۇرگىزىلۋدە. ولاردا گيدرو, جەل, كۇن, بيوگاز ەلەكتر ستانسالارى پايدالانۋعا بەرىلىپ جاتىر.
2020 جىلعا قاراي ەلىمىزدە جاڭاراتىن ەنەرگيا كوزدەرى باعىتىندا وتىزدان استام ستانسالار ىسكە قوسىلادى. ۇكىمەت باسشىسىنىڭ ءبىرىنشى ورىنباسارى باقىتجان ساعىنتاەۆتىڭ ايتۋىنشا, 2011 جىلدان بەرى اقمولا, الماتى, جامبىل, قاراعاندى, قوستاناي جانە سولتۇستىك قازاقستان وبلىستارىندا وسى باعىتتا جۇمىستار جۇرگىزىلۋدە. ولاردا گيدرو, جەل, كۇن, بيوگاز ەلەكتر ستانسالارى پايدالانۋعا بەرىلىپ جاتىر.
قازاقستاندا وتكەن جىلى 81,8 ملن. توننا مۇناي جانە گاز كوندەنساتى ءوندىرىلدى. مۇناي جانە گاز مينيسترلىگىنىڭ القا ماجىلىسىندە ۆەدومستۆو باسشىسى ۇزاقباي قاراباليننىڭ مالىمەتى بويىنشا, ەسەپتى كەزەڭدەگى گاز ءوندىرۋ 42,3 پايىزدى قۇرادى. بۇل جوسپاردان 4,4 پايىزعا, ال وتكەن جىلعى مەجەدەن 5,4 پايىزعا ارتىق.
استانادا 80 ەلدى مەكەننىڭ باس جوسپارىن جاساۋ جوبالانىپ وتىر. ەلوردا ماڭىنداعى 30 شاقىرىم اۋماقتىڭ شەڭبەرىنە كىرەتىن بۇل قونىستاردا حالىق سانىنىڭ باقىلاۋسىز ارتۋىنىڭ الدىن الۋ ماقساتىندا جەكە تۇرعىن ءۇي قۇرىلىسى ءۇشىن جەر تەلىمدەرىنە موراتوري جاريالاندى.
وڭتۇستىك قازاقستاندا جاستار سانى 800 مىڭعا جاقىندادى. 2013 جىلدىڭ قورىتىندىسى بويىنشا سانى 773,4 مىڭعا جەتىپ, وبلىس حالقىنىڭ 28,9 پايىزىن قۇراعان جاس بۋىننىڭ اۋىلدا تۇراتىندارى 473,3 مىڭ بولسا, قالالىقتار 300,1 مىڭنان اسادى.
قىزىلوردا وبلىسى حالقىنىڭ 91 پايىزى پروكۋراتۋرا ورگاندارىنىڭ جۇمىس تيىمدىلىگىن جوعارى باعالايدى. مۇنى «سىر مەديا» جشس جانىنداعى اقپاراتتىق-تالداۋ ورتالىعى جۇرگىزگەن ساۋالداما انىقتاپ بەردى. بۇدان كەيىنگى العاشقى ورىنداردا, سونداي-اق ىشكى ىستەر جانە توتەنشە جاعدايلار ورگاندارى تۇر. ال سەنىمىنە كوبىرەك سەلكەۋ تۇسكەن كەدەن قىزمەتى بولىپ شىقتى.
ماڭعىستاۋ وبلىسىنىڭ سوت ورىنداۋشىلارى جىل ىشىندە بورىشكەرلەردەن 1,7 ملرد. تەڭگە ءوندىردى. وبلىستىق سوت اكتىلەرىن ورىنداۋ دەپارتامەنتىنىڭ باسشىسى جاڭاباي كەمەلحانوۆ بۇل مولشەردىڭ 2012 جىلمەن سالىستىرعاندا, 1 ملرد. 387 ملن. تەڭگەگە كوپ ەكەنىن ايتىپ وتىر.
پاۆلودار وبلىسى ۋسپەن اۋدانى جۇرتىنىڭ 35 پايىزى عانا ساپالى اۋىز سۋمەن قامتاماسىز ەتىلگەن. اۋداندا جۇمىس ساپارىمەن بولعان وبلىس اكىمى قانات بوزىمباەۆ مۇنداعى تۇرعىنداردىڭ 52,8 پايىزى وزدەرى قازىپ العان قۇدىقتاردى پايدالانىپ وتىرعانىن بىلگەسىن, ءبىرىنشى كەزەكتە ساپالى اۋىز سۋمەن قامتاماسىز ەتۋدىڭ جايىن ويلاستىرۋدى تاپسىردى.
«قازاقپارات», Egemen.kz حابارلارى
بويىنشا دايىندالدى.
