«تاۋارلاردى تولىققاندى رەجيمدە قاداعالاپ وتىرۋدىڭ ۇلتتىق جۇيەنى ىسكە قوسۋ جوسپارلانۋدا. تسيفرلىق سالىقتىق اكىمشىلەندىرۋدە «ەلەكتروندىق شوت-فاكتۋرالار» اقپاراتتىق جۇيەسىن ەنگىزۋ تيىمدىرەك سانالادى. وندا تاۋارلارعا قۇجاتتامالىق قاداعالاۋ جۇرگىزىلەدى. تاۋەكەلدەردى باسقارۋ جۇيەسىن پايدالانۋ ارقىلى سالىق تولەۋشىلەردى ساناتتايمىز. تەكسەرۋ جوسپارلارىن قالىپتاستىرامىز, كامەرالدىق باقىلاۋ ءۇشىن سالىقتىق جانە كەدەندىك باقىلاۋدى انىقتايمىز. سونداي-اق, اۋقىمدى دەرەكتەردى تالداۋ جانە زياتكەرلىك تالداۋ جولىمەن ءبىر كۇندىك فيرمالاردى انىقتاي وتىرىپ, ونداي فيرمالاردىڭ شوت-فاكتۋرالارىن جازىپ بەرۋىن بۇعاتتايمىز», دەدى ول ورتالىق كوممۋنيكاتسيالار قىزمەتىندەگى ءباسپاسوز ءماسليحاتىندا.
تەكسەرۋلەر تۇرىندە بيزنەسكە اكىمشىلىك جۇكتەمە تومەندەتىلەدى. ياعني, بۇزۋشىلىقتار قاشىقتىقتان انىقتالىپ, حابارلامالار ناقتى جولدانادى. بيىل 40 مىڭنان استام ەلەكتروندىق حابارلاما جولداندى. سونىڭ ناتيجەسىندە قوسىمشا 132 ملرد تەڭگەدەن استام سالىق ەسەپتەلدى.
«حالىقارالىق تاجىريبەنى ەسكەرە وتىرىپ, كوميتەتتە ەلەكتروندىق دەكلاراتسيالاۋ ورتالىعى مەن احۋالدىق ورتالىعى جۇمىس ىستەيدى. ولاردىڭ جۇمىسىندا كونتراباندالىق سحەمالار ەسەبىنەن بيۋدجەتكە تولىق تۇسپەۋ تاۋەكەلدەرىن بارىنشا ازايتۋعا مۇمكىندىك بەرەتىن ەلەكتروندى قۇرالدار ءتيىمدى ىسكە قوسىلعان», دەدى جايدار ىڭكارباەۆ.
