سكانديناۆيا تۇبەگىندە «كلاسسيكتەر» سالماق دارەجەسى بويىنشا ءتۇرلى ءتۇستى جۇلدەلەردى ساراپقا سالادى. بوز كىلەمگە شىعاتىن ءبىزدىڭ بالۋاندارىمىزدىڭ بارلىعىنىڭ دا ەسىمى قالىڭ كورەرمەنگە جاقسى تانىس.
ماسەلەن, 67 كيلو سالماقتا كۇرەستىن المات كەبىسباەۆ الەم چەمپيوناتىندا ءتورت رەت جەڭىس تۇعىرىنا كوتەرىلگەن. قانداسىمىزدىڭ ەنشىسىندە ءبىر كۇمىس جانە ءۇش قولا مەدال بار. الماتقا ەندى تەك التىن عانا جەتپەي تۇر. سول ماقساتىنا ول وسلودا قول جەتكىزەدى دەپ ۇمىتتەنەمىز.
60 كيلو سالماقتاعى ايدوس سۇلتانعالي 2018 جىلى بۋداپەشتە قولا جۇلدەنى قورجىنعا سالسا, 55 كيلو سالماقتاعى قورلان جاقانشا وسىدان ەكى جىل بۇرىن نۇر-سۇلتاندا ۇيىمداستىرىلعان جارىستا كۇمىسپەن كۇپتەلدى.
ال سۇلتان اسەت ۇلى (63 كيلو), ماقسات ەرەجەپوۆ (82 كيلو), نۇرسۇلتان تۇرسىنوۆ (87 كيلو) جانە ەرۇلان ىسقاقوۆتىڭ (97 كيلو) ازيا چەمپيونى دەگەن اتاقتارى بار.
سونداي-اق, ءبىراز جىلدان بەرى ۇلتتىق كوماندامىزدىڭ ساپىندا ونەر كورسەتىپ جۇرگەن قاھارمان قيسمەتوۆ (72 كيلو), تەمىرلان شادۋكاەۆ (77 كيلو) جانە ءالىمحان سىزدىقوۆ (130 كيلو) سىندى سايىپقىراندار دا كوپتەگەن بايراقتى باسەكەلەردە توپ جارعان.
