قانداستار ءۇشىن ازاماتتىق الۋ جەڭىلدەتىلدى

2021 جىلدىڭ 1 قىركۇيەگىنەن باستاپ تاريحي وتانىنا ورالعان ەتنيكالىق قازاقتار ءۇشىن ءتورت مەملەكەتتىك قىزمەت ء«بىر ءوتىنىش» قاعيداتى بويىنشا كورسەتىلە باستادى.

«كانداس مارتەبەسىن بەرۋ نەمەسە ۇزارتۋ» قىزمەتى قونىس اۋدارۋشىلارعا قاجەت تاعى ءۇش قىزمەتپەن بىرگە كورسەتىلەدى», دەپ حابارلايدى قر ەحاقم ءباسپاسوز قىزمەتى.

وسىلايشا كورسەتىلەتىن قىزمەتتى الۋشى اتالعان مەملەكەتتىك كورسەتىلەتىن قىزمەتكە ءوتىنىش بەرگەننەن كەيىن «قانداستار مەن قونىس اۋدارۋشىلاردى قابىلداۋدىڭ وڭىرلىك كۆوتاسىنا ەنگىزۋ», «شەتەلدىكتەرگە جانە ازاماتتىعى جوق ادامدارعا قازاقستان رەسپۋبليكاسىندا تۇراقتى تۇرۋعا رۇقسات بەرۋ», سونداي-اق «قازاقستان رەسپۋبليكاسىنىڭ ازاماتتىعىن قابىلداۋدى, قالپىنا كەلتىرۋدى جانە ودان شىعۋدى تىركەۋ» قىزمەتتەرىن پايدالانا الادى.

ء«بىر ءوتىنىش» قاعيداتى بويىنشا قىزمەت كورسەتۋ مەرزىمدەرى:

– قانداس مارتەبەسىن بەرۋ نەمەسە ۇزارتۋ – 4 جۇمىس كۇنى;

– قانداستار مەن قونىس اۋدارۋشىلاردى قابىلداۋدىڭ وڭىرلىك كۆوتاسىنا ەنگىزۋ – 14 جۇمىس كۇنى;

– شەتەلدىكتەر مەن ازاماتتىعى جوق ادامدارعا قازاقستان رەسپۋبليكاسىندا تۇراقتى تۇرۋعا رۇقسات بەرۋ – 45 كۇنتىزبەلىك كۇن;

– قازاقستان رەسپۋبليكاسىنىڭ ازاماتتىعىن الۋدى, قالپىنا كەلتىرۋدى جانە ودان شىعۋدى تىركەۋ – 30 جۇمىس كۇنى.

قۇجاتتاردى قابىلداۋ كۇنى مەملەكەتتىك قىزمەت كورسەتۋ مەرزىمىنە كىرمەيدى.

وسى كومپوزيتتىك مەملەكەتتىك قىزمەتتى الۋ ماقساتىندا قانداستارعا بىرىڭعاي تىزبەگە سايكەس ءتيىستى قۇجاتتاردى ۇسىنۋ جەتكىلىكتى.