بۇرىن حابارلاعانداي, قمدب-عا قاراستى 19 وكىلدىكتىڭ بەسەۋىندە عانا جۇما نامازىن وقۋ ۋاقىتشا توقتاتىلعان بولاتىن. جاڭا قاۋلىعا سايكەس ەندى ەلىمىزدىڭ بارلىق وڭىرىندە جۇما نامازى مەشىت اۋلاسىندا وقىلادى.
«مەشىتتەر, پراۆوسلاۆيە شىركەۋلەرى جانە باسقا دا ءدىني وبەكتىلەر اۋماعىندا ۇجىمدىق ءدىني ءىس-شارالاردى (ونىڭ ىشىندە «جۇما نامازى», كۇندەلىكتى پراۆوسلاۆيەلىك دۇعالار جانە باسقالارىن) اشىق اۋادا وتكىزۋ ماسكا رەجيمى مەن ءبىر ادامعا كەمىندە 4 مەتر ەسەبىنەن الەۋمەتتىك قاشىقتىق ساقتالعان كەزدە جۇزەگە اسىرىلادى», دەلىنگەن قاۋلىدا.
قاۋلىدا شەكتەۋ ءىس-شارالارىن, ونىڭ ىشىندە كارانتيندى ەنگىزۋ كەزەڭىندە ءدىني وبەكتىلەردەگى سانيتاريالىق-دەزينفەكتسيالىق رەجيمگە قويىلاتىن تالاپتار دا كورسەتىلگەن. اتاپ ايتقاندا, مەشىتتەردە ءبىر رەت قولدانىلاتىن مەديتسينالىق ماسكالاردىڭ جەتكىلىكتى قورىمەن, سونداي-اق قولدى وڭدەۋگە ارنالعان دەزينفەكتسيالىق سۋلىقتارمەن, تەرى انتيسەپتيكتەرىمەن, دەزينفەكتسيالاۋ قۇرالدارىمەن قامتاماسىز ەتۋدى ۇيىمداستىرۋ, ءدىني وبەكتىلەردە پەرسونال مەن ءدىني قىزمەتشىلەردىڭ ماسكالار كيۋىن قامتاماسىز ەتۋ مىندەتتەلگەن.
سونداي-اق عيبادات ۇيلەرىنە (قۇرىلىستارىنا) كىرۋگە مىندەتتى تۇردە ماسكا بولعان جاعدايدا رۇقسات ەتىلەدى. عيبادات ۇيلەرىندە ناماز وقۋ ءبىر ادامعا 4 مەتردەن كەم ەمەس ەسەپپەن قاشىقتىقتى ساقتاۋ كەزىندە جۇزەگە اسىرىلادى.
