«اتموسفەرالىق فرونتالدى بولىكتەردىڭ وتۋىنە بايلانىستى ەلىمىزدىڭ سولتۇستىك-باتىسىندا, سولتۇستىگىندە, شىعىسىندا, وڭتۇستىگىندە جانە ورتالىعىندا نايزاعاي ويناپ, جەل كۇشەيەدى, اقمولا وبلىسىنىڭ ورتالىعىندا قاتتى جاڭبىر جاۋادى. قازاقستاننىڭ قالعان اۋماعىندا انتيتسيكلون جوتاسىنىڭ اسەرىنەن جاۋىن-شاشىنسىز اۋا رايى كۇتىلەدى. سولتۇستىك-باتىستا جانە سولتۇستىكتە تۇمان, رەسپۋبليكانىڭ سولتۇستىگىندە, شىعىسىندا جانە ورتالىعىندا – بۇرشاق كۇتىلەدى», دەپ حابارلادى «قازگيدرومەت» رمك.
اقمولا وبلىسىنىڭ سولتۇستىگى مەن ورتالىعىندا نايزاعاي, بۇرشاق كۇتىلەدى, باتىسى مەن وڭتۇستىك-شىعىسىندا جەل 15-20, كۇندىز وڭتۇستىك-شىعىسىندا ەكپىنى 25 م/س جەتەدى.
قوستاناي وبلىسىنىڭ سولتۇستىگىندە, شىعىسىندا جانە وڭتۇستىك-شىعىسىندا نايزاعاي, تۇندە جانە تاڭەرتەڭ سولتۇستىك پەن شىعىستا تۇمان, وڭتۇستىكتە جەلدىڭ جىلدامدىعى 15-20 م/س جەتەدى.
كۇندىز شىعىس قازاقستان وبلىسىنىڭ سولتۇستىك-باتىسىندا نايزاعاي, بۇرشاق, داۋىل كۇتىلەدى, جەل 15-20 م/س كۇشەيەدى.
قاراعاندى وبلىسىنىڭ باتىسى مەن سولتۇستىگىندە نايزاعاي كۇتىلەدى, كۇندىز سولتۇستىكتە بۇرشاق جاۋى مۇمكىن, وبلىستىڭ باتىسى مەن سولتۇستىگىندە, سونداي-اق ورتالىعىندا جەلدىڭ جىلدامدىعى 15-20 م/س جەتەدى.
سولتۇستىك قازاقستان وبلىسىنىڭ وڭتۇستىگىندە, باتىسىندا نايزاعاي, تۇندە سولتۇستىك-شىعىسىندا تۇمان كۇتىلەدى.
كۇندىز پاۆلودار وبلىسىندا جەل 15-20, سولتۇستىك پەن وڭتۇستىكتە ەكپىنى 23 م/س كۇشەيەدى.
تۇندە قىزىلوردا وبلىسىنىڭ سولتۇستىك-باتىسىندا نايزاعاي ويناپ, جەل 15-20 م/س كۇشەيەدى.
تاڭەرتەڭ جانە كۇندىز تۇركىستان وبلىسىندا جەلدىڭ جىلدامدىعى 15-20 م/س, تاۋلى اۋدانداردا ەكپىنى 25 م/س, وبلىستىڭ سولتۇستىگى مەن باتىسىندا شاڭدى داۋىل كۇتىلەدى.
تۇندە باتىس قازاقستان, سولتۇستىك قازاقستان وبلىستارىنىڭ سولتۇستىگىندە, اقتوبە, قوستاناي وبلىستارىنىڭ سولتۇستىگىندە جانە شىعىسىندا توپىراق بەتىندە 2 گرادۋس ۇسىك جۇرەدى.
«الماتى, جامبىل, تۇركىستان, قىزىلوردا, ماڭعىستاۋ, اتىراۋ, اقتوبە, قوستاناي وبلىستارىنىڭ باسىم بولىگىندە, باتىس قازاقستان وبلىسىنىڭ سولتۇستىك-شىعىسىندا جانە وڭتۇستىگىندە, قاراعاندى وبلىسىنىڭ باتىس جارتىسىندا, اقمولا وبلىسىنىڭ وڭتۇستىك-باتىسىندا جانە وڭتۇستىگىندە, پاۆلودار وبلىسىنىڭ ورتالىعىندا, شىعىس قازاقستان وبلىسىنىڭ وڭتۇستىگىندە, وڭتۇستىك-شىعىسىندا توتەنشە ءورت قاۋپى ساقتالادى», دەپ حابارلادى ۆەدومستۆودان.
