الماتى تۇرعىندارى ابىلاي حان مەن گوگول كوشەلەرىنىڭ قيىلىسىنداعى جەراستى جاياۋ جۇرگىنشىلەر وتكەلىندە توبەدەن سۋ اعىپ جاتقانىنا شاعىمداندى.
المالى اۋدانى اكىمدىگىنىڭ مالىمەتىنشە, 2018 جىلى وسى جەراستى وتكەلىنە جوندەۋ جۇرگىزۋ بارىسىندا توبەگە گيدرووقشاۋلاعىش ورناتىلماعان.
«بۇگىندە بۇل جەراستى وتكەلىندە پروبلەما بار. ابىلاي حان كوشەسىنىڭ ارىق جەلىسى ارقىلى سۋ جىبەرگەندە, وتكەلدىڭ شىعىس جاعىنا سۋ كەتەدى. بۇل - سۋ كوپ بولعان جاعدايدا. وكىنىشكە قاراي, سۋدىڭ قايدان اعىپ جاتقانىن ءتۇسىنۋ قيىن. جول توسەمىن اشۋعا تۋرا كەلەدى», دەدى المالى اۋدانى اكىمدىگىنىڭ اباتتاندىرۋ ءبولىمىنىڭ وكىلى.
اكىمدىك ۆيدەوعا جاياۋ جۇرگىنشىلەر وتكەلىن تازارتۋمەن اينالىساتىن كوممۋنالدىق شارۋاشىلىق قىزمەتكەرى تۇسىرىلگەنىن دە ناقتىلادى. تۇنگى ۋاقىتتا وتكەل جاعدايىن جانە سانيتارلىق قوندىرعىلاردى باقىلايتىن بىرنەشە قىزمەتكەر كەزەكشىلىكتە قالادى.
