پرەزيدەنت • 07 قىركۇيەك، 2021

مەملەكەت باسشىسى سقو-داعى ەگىن جيناۋ ناۋقانىمەن تانىستى

39 رەت كورسەتىلدى

پرەزيدەنت قاسىم-جومارت توقاەۆتىڭ سولتۇستىك قازاقستان وبلىسىنا جاساعان جۇمىس ساپارى قىزىلجار اۋدانى بايتەرەك اۋىلىنداعى «سەرۆيس جارس» جشس-ءنىڭ اۋىل شارۋاشىلىعى القابىنا بارۋدان باستالدى، دەپ جازادى Egemen.kz akorda.kz-كە سىلتەمە جاساپ. 

مەملەكەت باسشىسى كاسىپورىنعا قاراستى ەگىستىك جەرلەردىڭ جاعدايىمەن تانىسىپ، ەگىن جيناۋ جۇمىستارىنا پايدالانىلاتىن اۋىل شارۋاشىلىعى تەحنيكالارىن كوردى

قاسىم-جومارت توقاەۆ اۋىل شارۋاشىلىعى كاسىپورنىنىڭ جەتەكشىلەرىمەن جانە مەحانيزاتورلارمەن اڭگىمەلەسۋ بارىسىندا بيىلعى جولداۋىندا بۇل سالا بويىنشا ءتيىستى مىندەتتەر جۇكتەگەنىن ەسكە سالدى.

– ءبىز سۋبسيديا سالاسىنداعى ساياساتىمىزدى جەتىلدىرىپ، رەتتەۋىمىز كەرەك. اتالعان ماسەلەگە جولداۋىمدا ارنايى توقتالدىم. بۇل جەردە ءبارى ايقىن بولۋى كەرەك. بولاشاقتا سۋبسيديالار مۇلدەم جويىلىپ، ونىڭ ورنىنا پايىزى تومەن نەسيەلەر بولادى دەگەن پىكىر بار. الايدا، قازىرگى ۋاقىتتا ءبىز اۋىل شارۋاشىلىعى تاۋارلارىن وندىرۋشىلەرگە قولداۋ كورسەتۋىمىز قاجەت، – دەدى مەملەكەت باسشىسى.

سونىمەن قاتار قاسىم-جومارت توقاەۆ دايىن ءارى وڭدەلگەن ءونىمنىڭ، سونىڭ ىشىندە ۇننىڭ ەكسپورتقا شىعارىلۋ كولەمى تومەندەگەنىن اتاپ ءوتىپ، قولايلى تاريف ساياساتى قاجەت ەكەنىنە نازار اۋداردى.

– ءبىز ءداستۇرلى تۇردە وزبەكستان، تۇرىكمەنستان، اۋعانستان ەلدەرىنىڭ نارىعىنا ۇن جەتكىزەمىز. جالپى ۇكىمەت، ساۋدا مينسيترلىگى ءتاريفتى رەتتەۋ ماسەلەسىمەن ناقتى اينالىسۋعا ءتيىس. ۇكىمەت كەلەشەكتە استىققا ەكسپورت سالىعىن ەنگىزۋ ماسەلەسىن كوتەرىپ وتىر. بىراق، قازىر قالىپتاسقان احۋالدى ەسكەرە وتىرىپ، بۇعان ءالى ەرتە دەپ ويلايمىن. سوندىقتان تاۋار وندىرۋشىلەرگە، اسىرەسە ۇن شىعاراتىن كاسىپكەرلەر ءۇشىن سۋبسيديا مەحانيزمىن قايتا ىسكە قوسۋىمىز كەرەك. ءبىز قوسىمشا قۇنىنىڭ دەڭگەيى جوعارى دايىن ءارى وڭدەلگەن ونىمدەردى ەكسپورتتاۋعا ءتيىسپىز، – دەدى پرەزيدەنت.

مەملەكەت باسشىسى اگروونەركاسىپ كەشەنىن وزىق تەحنيكامەن قامتاماسىز ەتۋ قاجەت ەكەنىنە نازار اۋداردى.

– ۇكىمەت اۋىل شارۋاشىلىعى ەڭبەككەرلەرىن وسىنداي تەحنيكالارمەن قامتاماسىز ەتۋگە كومەك بەرۋى كەرەك. ەگەر زاماناۋي تەحنيكا بولماسا، ءبىزدىڭ اۋىل شارۋاشىلىعىمىز دامىمايدى. بۇل – انىق دۇنيە. سوندىقتان ۇكىمەت مەنىڭ تاپسىرمام بويىنشا ءتيىستى جۇمىستاردى جالعاستىرادى. ەكىنشىدەن، بۇل تەحنيكالار اۋىل شارۋاشىلىعى ەڭبەككەرلەرىنە قول جەتىمدى بولۋى كەرەك. نەسيەگە قاتىستى ساياسات جالعاسا بەرەدى. نەسيە مولشەرى تومەن بولۋى ءتيىس. مەن بۇل ماسەلەگە باسا ءمان بەرەمىن، – دەدى قاسىم-جومارت توقاەۆ.

بۇدان بولەك پرەزيدەنت ءوڭىردىڭ الەۋمەتتىك-ەكونوميكالىق دامۋى مەن اگروونەركاسىپ كەشەنىنىڭ جاعدايى تۋرالى سولتۇستىك قازاقستان وبلىسىنىڭ اكىمى قۇمار اقساقالوۆتىڭ ەسەبىن تىڭدادى.

1

سوڭعى جاڭالىقتار

ۆاكتسينا سالدىرعاندار سانى ارتتى

كوروناۆيرۋس • بۇگىن، 09:17

1227 قازاقستاندىق ىندەتتەن ساۋىقتى

كوروناۆيرۋس • بۇگىن، 09:08

وتكەن تاۋلىكتە 1169 ادام ىندەت جۇقتىردى

كوروناۆيرۋس • بۇگىن، 09:01

قارسىلاستار انىقتالدى

سپورت • بۇگىن، 08:47

پۋتينتسەۆا ۇتىلىپ قالدى

سپورت • بۇگىن، 08:46

مەرەي كۇمىس الدى

سپورت • بۇگىن، 08:45

سەربيادان ولجالى ورالدى

سپورت • بۇگىن، 08:43

تەمىرتاۋدا گاز تۇتاندى

ايماقتار • بۇگىن، 08:43

جومارت جاننىڭ جاقسىلىعى كوپ

قوعام • بۇگىن، 08:40

مەدال سانى 70-تەن استى

سپورت • بۇگىن، 08:38

ادەبيەتتانۋ تارلانى

ادەبيەت • بۇگىن، 08:33

شۇمەكتەن شىققان سۋ مەن شۋ

قوعام • بۇگىن، 08:23

«اينەگىڭىزدى جۋىپ بەرەيىك»

قوعام • بۇگىن، 08:21

اۋىل ەڭبەككەرلەرىمەن جۇزدەستى

ساياسات • بۇگىن، 08:15

شەكارانىڭ شەبى بەرىك

قازاقستان • كەشە

ۇقساس جاڭالىقتار