ونىڭ سوزىنشە, قازىرگى تاڭدا جەكەلەگەن كۇماندى توپتارمەن اقپاراتتاندىرۋ جۇمىستارى جۇرگىزىلىپ كەلەدى.
ء«بىز كەيبىر ماسەلەلەردى قايتا قاراعان بولاتىنبىز. قازىرگى تاڭدا اقپاراتتىق جۇمىستار جالپىلاما ەمەس ماقساتتى توپتارمەن جۇرگىزۋدەمىز. ماقساتتى توپتار دەگەنىمىز دەسترۋكتيۆتى ماسەلە تۋىندايدى-اۋ دەگەن جەرلەرگە اقپاراتتىق نەگىزدە ءتۇسىندىرۋ جۇمىستارى جۇرگىزىلىپ وتىر. بۇگىندە اتقارىلىپ وتىرعان ىستەر بويىنشا ەلىمىزدىڭ وڭىرلەرى دە كومەك كورسەتىپ وتىر», دەدى ەرجان نۇكەجانوۆ.
ونىڭ مالىمدەۋىنشە, ەندىگى ماقسات جىل اياعىنا دەيىن دەسترۋكتيۆتى توپتاردىڭ 70 پايىزىن تولىعىمەن باقىلاۋعا الۋ. بۇل جولدا قارقىندا جۇمىس اتقارىلىپ وتىر.
ء«بىز الەۋمەتتىك جەلىلەردە دەسترۋكتيۆتى توپتارعا تىركەلگەن 84 مىڭنان استام وتانداستارىمىزدى شىعارىپ الدىق. قاراپ وتىرساق, ۇلكەن كورسەتكىش. دەگەنمەن بۇل توپتاردا بىلمەستىكتەن قوسىلىپ كەتكەندەر دە بار. سول كورسەتكىشتەردى دە قوسىپ وتىرمىز. جىلدان جىلعا دەسترۋكتيۆتى ماتەريالدار سانى ارتىپ كەلەدى. وسى جىلدىڭ ءوزىن الساق, ءبىز 80 مىڭنان استام ماتەريالدىڭ كوزىن جويدىق. 300-دەن استامىن بۇعاتتادىق. ارينە, بۇل ماسەلەنى شەكتەۋمەن عانا شەشە المايتىمىزدى تۇسىنەمىز», دەدى ول.
