«وتاندىق قۇرىلىس ماتەريالدارى باعاسىنىڭ ءوسۋى جىل باسىنان بەرى 25%-دى قۇرادى. بۇل رەتتە قۇرىلىس ماتەريالدارى باعاسىنىڭ ءوسۋ قارقىنىنىڭ وزگەرۋ ءۇردىسى بايقالادى. قۇرىلىس ماتەريالدارى باعاسىنىڭ نەگىزگى ءوسۋى سىرتقى نارىقتارداعى باعا جاعدايىنا بايلانىستى. بۇل وزگەرىستەر ارماتۋرا ء(وسىم 45%), كابەل (20%), پروفليست (70%), شىنى (35%) قۇنىنا اسەر ەتتى», دەپ حابارلادى سەرىك جۇمانعارين ۇكىمەت وتىرىسىندا.
ونىڭ ايتۋىنشا, باعانىڭ ءوسۋىنىڭ نەگىزىندە ەلەكتر ەنەرگياسىنا تاريفتەردىڭ ورتاشا - 12%-عا, ججم - 15%-عا, ەنەرگەتيكالىق كومىرگە - 10%-عا, تەمىرجول تاسىمالدارىنا - 18%-عا ءوسۋى سياقتى وبەكتيۆتى فاكتورلار بار, ولار وتاندىق ءوندىرىستىڭ قۇرىلىس ماتەريالدارى باعاسىنىڭ وسۋىنە تىكەلەي اسەر ەتتى.
اگەنتتىك توراعاسى باعانى كوتەرۋدىڭ نەگىزدىلىگىن قاراۋ جانە ءسوز بايلاسۋ بەلگىلەرىن بەلگىلەۋ ماقساتىندا قۇرىلىس ماتەريالدارىنىڭ 25 ءتۇرى (كىرپىش, بەتون, ارماتۋرا, تسەمەنت جانە باسقالارى) بويىنشا قۇرىلىس ماتەريالدارى نارىقتارىنداعى باسەكەلەستىكتىڭ جاي-كۇيىنە تالداۋ جۇرگىزىلەتىنىن اتاپ ءوتتى. بۇزۋشىلىق بەلگىلەرىن جويۋ جانە باعانى تومەندەتۋ قاجەتتىلىگى تۋرالى 75 حابارلاما جىبەرىلدى.
«بۇگىنگى تاڭدا 42 كومپانيا حابارلاما ورىندادى, ونىڭ ىشىندە 35 كومپانيا باعانىڭ تومەندەۋىمەن: ارماتۋراعا – 25%, تسەمەنتكە – 10%, بەتونعا – 10%, پوليەتيلەندى قۇبىرلارعا – 6%, كابەلگە – 5-تەن 14%-عا, كىرپىشكە-3% دەيىن. 10 تەرگەۋ شارالارى جۇرگىزىلۋدە. مونوپولياعا قارسى باقىلاۋ شارالارىمەن رەسپۋبليكا بويىنشا باعا ءوسۋىنىڭ اي سايىنعى ترەندى ماۋسىم ايىنداعى 4,2%-دان شىلدە ايىندا 1,7%-عا دەيىن تومەندەتىلدى», دەپ حابارلادى س.جۇمانعارين.
